21.9 C
Dushanbe

Ақиб гард, мепарронам! Таҳдиди низомиён дар Бадахшон

Дар Вилояти Мухтори Кӯҳистони Бадахшон кормандони низомӣ ҳангоми шаб дар кӯчаҳо гашта мардумеро, ки аз он ҷойҳо мегузаранд, бо силоҳ таҳдид мекунанд.

Шаби 17 ба 18-уми январ корбаре дар Фейсбук бо номи Dobryak Iz Pamira наворе нашр кард, ки дида мешавад, мақомоти амниятӣ бо силоҳ ба сӯи мардуми осоишта таҳдид мекунанд.

Гуфта мешавад, ин воқеа шаби 15-уми январ дар кӯчаҳои шаҳри Хоруғ ба навор гирифта шудааст. Ва он шаҳрвандоне, ки ба сӯяшон силоҳ кашида шудааст, мегӯянд, аз бемористон баргаштаанду ба хонаҳояшон мераванд. Аммо як нафари низомипӯш ба сӯи онҳо оташ кушоданӣ мешавад.

Ҳамчунин аз навор шунида мешавад, ки он нафари низомии силоҳбадаст бо таҳдид мегӯяд, ки силоҳро омода кардааст ва мепарронад. Аммо нафари ҳамроҳаш ҳарчанд талош мекунад ӯро ором кунад, вале ӯ бо таҳдид ба сӯи мардуми осоишта оташ кушоданӣ мешавад.

То ҳол ҷузъиёти ин хабар нашр нашудааст. Бо расидани тозатариин маълумот дар ин маврид онро нашр хоҳем кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти се нафар бо иттиҳоми қаллобӣ дар Душанбе

Вазорати корҳои дохилии Тоҷикистон аз боздошти се нафаре хабар дод, ки ба иддаои ин ниҳод, онҳо бо роҳи фиреб додани мардум пулҳои калоне ба даст меовардаанд.

Марги се ҳоҷии тоҷик ҳангоми адои Ҳаҷ

Се нафар аз зоирони тоҷикистонӣ ҳангоми адои фаризаи Ҳаҷ дар Арабистони Саудӣ вафот кардаанд.

Дар ду рӯз 3 кӯдаки ноболиғ ғарқ шуд, кӣ гунаҳкор аст?

Рӯзҳои 16 ва 17-уми июни соли ҷорӣ дар Тоҷикистон се кӯдаки ноболиғ ғарқ шуданд, ки хурдтарини онҳо якунимсола буд.

Дар Русия пулис ҳам метавонад муҳоҷиронро ихроҷ кунад

Аз ин ба баъд пулиси Русия метавонад шаҳрвандони хориҷие, ки даст ба қонуншиканӣ задаанд, бидуни қарори додгоҳ аз Русия ихроҷ кунанд.