35.9 C
Dushanbe

Ҳалокати ду корманди давлатӣ дар Дарвоз

Аз шаш нафар мусофире, ки дар дохили мошин субҳи 2-юми соли ҷорӣ дар ноҳияи Дарвоз ба ҳалокат расида буданд, ду нафари онҳо кормандони давлатӣ дар ноҳияи Дарвоз будаанд.

Мақомити иҷроияи ҳокимияти давлатӣ дар ноҳияи Дарвоз мегӯяд, аз шаш нафар мусофире, ки субҳи 2-юми майи соли ҷорӣ дар қалъаи қадимии Карон дар дохили мошини чапа шуда ба ҳалокат расиданд, ду нафари онҳо сокинони ин ноҳия ва кормандони давлатӣ мебошанд.

Ба қавли манбаъ, ин ду нафар, яке Азизхоҷазод Беҳзод, мудири бахши рушди сайёҳии МИҲД-и ноҳия ва дуввумӣ Зиёев Хушқадам, корманди бахши фарҳанги ноҳияи Дарвоз буданд, ки дар натиҷаи чапа шудани мошин ҳамроҳи дигар мусофирон ба ҳалокат расиданд.

Пеш аз ин Вазорати корҳои дохилӣ хабар дода буд, ки субҳи “2-юми майи соли 2023, тахминан соати 08:30-дақиқа, автомашинаи тамғаи “Тайота-Рунер”, таҳти идораи Каримов Хумай Хушназарович, соли таваллудаш 1989, сокини шаҳри Душанбе, ҳангоми ҳаракат дар мавзеи таърихии қалъаи Карон, дар баландии кӯҳ, тахминан дар масофаи 1500 метр аз деҳаи Рӯзвайи ноҳияи Дарвоз аз баландии 350 метр ба қафо сарозер шудааст.”

Вазорати корҳои дохилӣ дар шарҳи ин ҳодиса гуфта буд, ки “дар натиҷа худи ронанда ва мусофирони дохили автомашина: Суяров Ҳасаналӣ Ҷураевич, соли таваллудаш 1964, сокини ноҳияи Рудакӣ, Тухтаев Бахтиёр Сангинович, соли таваллудаш 1965, сокини ноҳияи Рудакӣ, Макрамшоев Корвоншо Қурбонбекович, соли таваллудаш 1989, сокини ноҳияи Ишкошим, Азизхоҷазода Беҳзод Давлатхуҷа, соли таваллудаш 1989, сокини ноҳияи Дарвоз, Зиёев Хушқадам Хушвахтович, соли таваллудаш 1964, сокини ноҳияи Дарвоз, дар ҷойи ҳодиса ба ҳалокат расидаанд.”

Гуфта мешавад, бархе шоҳидони ин ҳодиса бо ирсоли чанд акс ба Azda tv гуфта буданд, ки мусофирони ин мошин бо қасди саёҳат ва дидор аз қалъаи Карон ва дар мавзеъҳои хушбоду ҳавои Вилояти Мухтори Кӯҳистони Бадахшон сафар карда буданд, вале дар роҳ ба сабаби ин ҳодисаи нохуш ҳамаашон ҷони худро аз даст доданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Коҳиши 80%-и кишти кукнор дар Афғонистон

Толибон аз ҷомеаи ҷаҳонӣ хоста, ки барои кишоварзоне, ки...

ВКХ: Пайвастани Тоҷикистон ба ИИАО баррасӣ нашуд

Ҳукумати Тоҷикистон ҳоло масъалаи пайвастани кишварро ба Иттиҳоди иқтисодии АвруОсиё баррасӣ надорад.

Русия: Тоҷикистон набояд ба Ғарб наздик шавад

Сергей Лавров зимни боздидаш аз Душанбе дар суханрониҳояш ба мақомоти тоҷик тазаккур дод, ки Русия намехоҳад ҳамкориҳои Тоҷикистону Ғарб бештар шаванд.

Суқути қурби рубли русӣ дар Тоҷикистон

Баъд аз сафари вазири корҳои хориҷии Русия ба шаҳри Душанбе ва музокироти сатҳи олии раҳбарони Тоҷикистон ва Русия қурби рубли русӣ дар баробари пули миллӣ-сомонӣ поён расфт.