28.9 C
Dushanbe

Ҳамла ба Кремлин сӯиқасд ба ҷони Путин буд?

Сухангӯи Кремлин ба расонаҳо гуфтааст, ки нерӯҳое артиши Украина ба Кремлин ҳамла карданд. Русия ин ҳамларо сӯиқасд ба ҷони Владимир Путин арзёбӣ мекунад.

Бино ба иттилои расонаҳои русӣ, Дмитрий Песков, сухангӯи Кремлин имрӯз, 3-юми майи 2023 гуфтааст, ки суҳби барвақт нерӯҳое аз артиши Украина тавассути паҳподҳои интиҳорӣ ба маҳалли иқоматгоҳи Владимир Путин дар Кремлин ҳамла карданд.

Ба қавли Дмитрий Песков, ин ҳамла тавассути ду паҳдод сурат гирифтааст. Аммо пеш аз он, ки ин паҳподҳо ба ҳадаф расанд, тавассути нерӯҳои артиши Русия сарнагун карда шуданд.

Сухангӯи Кремлин дар идома гуфтааст, Русия ин ҳамларо сӯиқасд ба ҷони Владимир Путин, раисиҷумҳури ин кишвар дониста, ҳаққи худро барои посух гуфтан ба ин ҳамлаҳо дар ҳар вақте муносиб медонад, маҳфӯз медорад.

Дмитрий Песков баён дошта, ки раисҷумҳури ин кишвар дар вақти ин ҳамлаҳо дар кохи Кремлин ҳузур надошт, ҳоло ӯ саломат аст ва дар рӯзномаи корияш ҳеч тағйироте ба вуҷуд наомадааст.

Гуфта мешавад, ҳар чанд мақомоти расмӣ дар Киев ин ҳамлаҳоро шарҳ надодаанд, вале бархе расонаҳои мансуб ба Украина бо нашри ин хабар гуфтаанд, ки ба назар мерасад замони орзуҳо гузашта ва акнун вақи он расида, ки орзуҳо ба ҳақиқат наздик шаванд, ба ҳамин хотир Кремлин нигарон шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.