27.9 C
Dushanbe

Артиши миллии Тоҷикистон 29-сола шуд

Имрӯз дар шаҳри Душанбе ҷашни солгарди таъсисёбии Қувваҳои Мусаллаҳи Тоҷикистон баргузор шуд.

Имрӯз, 23-юми феврали соли 2022 боҳузури президент Эмомалӣ Раҳмон ва раҳбарони дигар ниҳодҳои қудратӣ дар пойтахт ҷашни солгарди таъсисёбии Қувваҳои Мусаллаҳи Тоҷикистон баргузор шуд.

23-юми феврали соли 1993 Қувваҳои Мусаллаҳи Тоҷикистон дар замони истиқлолияти давлатӣ бори аввал паради ҳарбии худро гузаронида буданд.

Имрӯз Эмомалӣ Раҳмон зимни суханрониаш дар ин маросими ҷашнӣ корнамоиҳо ва дастовардҳои Қувваҳои Мусаллаҳи Тоҷикистон ва дигар ходимони низомӣ ва интизомии кишварро таърифу тавсиф карда, гуфт: “Дар давоми солҳои истиқлолияти давлатӣ 2800 нафар афсарону сарбозони Қувваҳои Мусаллаҳ, дигар сохторҳои низомӣ ва мақомоти ҳифзи ҳуқуқ барои шуҷоату ҷасорат ва хизмати содиқона бо мукофотҳои давлатӣ ва рутбаҳои олии ҳарбӣ сарфароз гардонида шудаанд.”

Ба қавли Президенти Тоҷикистон: “То имрӯз мо дар муассисаҳои таҳсилоти олии ҳарбии дохил ва хориҷ аз кишвар зиёда аз 24 ҳазор нафар мутахассисони низомиро омода кардем ва ҳоло 8 ҳазор нафар ҷавонони мо дар чунин муассисаҳо таҳсил карда истодаанд.”

Эмомалӣ Раҳмон вазъи имрӯзаи ҷаҳони муосирро мураккаб зудтағйирёбанда арзёбӣ карда, таъкид кард: “Дар шароити таҳаввулоти имрӯза, дар баробари омодабошии баланди ҷангии Қувваҳои Мусаллаҳ ва мақомоти ҳифзи ҳуқуқ масъалаҳои вобаста ба ташкили босифати чорабиниҳои сафарбарӣ ва омодагии сохторҳои мудофиаи ҳудудӣ бояд таҳти таваҷҷуҳи доимӣ ва ҷиддии мақомоти марказӣ ва маҳаллии ҳокимияти давлатӣ қарор дода шаванд.”

Хабарро таблиғ кунед:

БЕШТАР БИХОНЕД
БЕШТАР БИХОНЕД

HRW дар нома ба Байден аз нақзи ҳуқуқи башар дар кишварҳои Осиёи Марказӣ гуфт

Дидбони Ҳуқуқи Башар (HRW) бо нашри изҳороте аз Ҷо...

Таҳдид зиндон барои навиштани “Ҷумъа муборак” дар Тоҷикистон

Мақомоти Тоҷикистон аз ин ба баъд ирсоли паёмаки "Ҷумъа муборак"-ро дар Тоҷикистон ҷурм дониста, барои он то ҷарима ва ҳатто ҳабсро пешбинӣ кардаанд.

Сохти беш аз 100 дидбонгоҳи марзии ҷадид

Толибон дар марз байни Афғонистон ва кишварҳои ҳамсояи он зиёда аз 100 дидбонгоҳи марзии нав сохтанд.

Мулоқоти Эмомалӣ бо Дабири кулли СММ

Раисҷумҳури Тоҷикистон Эмомалӣ Раҳмон дар Ню-Йорк бо Дабири кулли Созмони Милали Муттаҳид Антониу Гутерриш мулоқот кард.