14.9 C
Dushanbe

Дар гаронии билети парвозҳои чартерӣ аз Русия ба Тоҷикистон кӣ гунаҳкор аст? Кормандони сафорат ё минаравҳо?

Муҳоҷирони  тоҷик аз сабаби гаронии билети парвозҳои чартерӣ аз Русия ба Тоҷикистон баргашта наметавонанд. Муҳоҷирон  гуфтаанд, ҳарчанд аз шахсони, ба қавли онҳо, “миёнарав” бо нархи қимат билет хариданд, ба ҳавопаймо роҳ наёфтанд ва ду ҳафта боз дар фурудгоҳи “Домодедово”-и Маскав дармондаанд. Вале масъулони сафорати Тоҷикистон дар Русия ва ширкати ҳавопаймоии “Сомон Эйр” вуҷуди миёнаравҳоро рад мекунанд.

Аз  15-уми август то 15-уми сентябр сад парвози чартерӣ  байни Тоҷикистон  ва Руссия барои баргардонидани шаҳрвандон  роҳандозӣ шудаааст. Масъулони ширкати “Сомон Эйр”  рӯзи  25-уми август гуфта буданд, ки арзиши билети бозгашт аз Русия ба Тоҷикистон 300 евро, муодили тақрибан 27 ҳазор рубли русӣ баробар аст, нисбат ба нархҳои қаблӣ  сад евро арзон аст.

Яке аз мусофирон, ки худро Маҳдӣ муаррифӣ кард, рӯзи 8-уми сентябр ба Радиои Озодӣ гуфтааст: “Дар инҷо миёнаравҳо аз хазина билетҳоро бо нархи маъмулӣ мехаранд ва ба мо дар ивази 60-70 ҳазор рубл пешниҳод мекунанд. Ин беинсофӣ аст охир. Мо пули кофӣ надорем.”

Ба гуфтаи ин муҳоҷирон  дар ин кор намояндагони ширкати ҳавопаймоӣ ва сафорат даст доранд.

Ҳамчунин намояндаи ширкати “Сомон Эйр” бо шарти зикр нашудани номаш рӯзи 9-уми сентябр ба Радиои Озодӣ гуфтааст, дар фурудгоҳи “Домодедово” танҳо як хазина ба мусофирон билет мефурӯшад. “Вақте шаҳрванд ба кишвар баргаштанист, намояндаҳои сафорат номашро дар рӯйхат ворид мекунанд. Рӯзи расидани навбаташ огоҳ месозанд, ки омада билетро гирад”.

Ин бори аввал нест, ки муҳоҷирону мусофирони дармонда дар Руися аз боло будани нахи билетҳо шикоят мекунанд, чанде пеш як гурӯҳ низ аз қиммат будани нархи билетҳо шикоят карда буданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.