33.9 C
Dushanbe

Ҳавопаймои як миллиардаи Эмомалӣ Раҳмон ба Душанбе расид

Ҳавопаймои гаронқимате, ки Ҳукумати Тоҷикистон барои Эмомалӣ Раҳмон аз Мексика харидорӣ карда буд, ба шаҳри Душанбе интиқол дода шудааст.

Субҳи имрӯз, 14-уми майи соли 2023 яке аз масъулини ширкати Nomadic Aviation Group аз шаҳри Сан- Бернардинои аёлати Аризонаи Амрико бо нашри чанд акс хабар дод, ки ҳавопаймое, ки Тоҷикистон аз Мексика харида буд, ба шаҳри Душанбе интиқол дода мешавад.

Ба гуфтаи Боб Ален, як масъули ин ширкат, ки таъмир ва рангу бор кардани ин ҳавопаймои гаронқиматро ба уҳда доштааст, субҳи 15-уми майи соли ҷорӣ ин ҳавопаймо ба шаҳри Душанбе расонида шуд.

Гуфта мешавад, Ҳукумати Тоҷикистон ин ҳавопайморо бо қимати 92 миллион доллар, муодили 1 милларду 4 миллиону 38 ҳазору 800 сомонӣ аз Мекасика махсус барои сафарҳои Эмомалӣ Раҳмон харидорӣ кардааст.

Президенти Мексика ба хотири фароҳам овардани шароити муносиб барои табобати шаҳрвандонаш ин ҳавопаймои гаронқиматро фурӯхт то бо пули он чанд беморхонаи хуб ва ба талаботи рӯзгор ҷавобгӯ бисозад, то шаҳрвандон ва сокинони Мексика тавонанд дар дохили ин кишвар табобат ва муолиҷа шаванд. Аммо Эмомалӣ Раҳмон, раиси ҷумҳури Тоҷикистон, ки дар раддабандиҳои ҷаҳонӣ яке аз қашшоқтарин кишварҳои дунёст, онро барои сафарҳо ва сайру саёҳатҳои худаш харидорӣ кардааст.

Ҳамзамон аксар вақт, замоне аъзои оилаи Эмомалӣ Раҳмон ва ё аъзои ҳукумати кишвар бемор мешаванд, чун ба духтурон ва беморхонаҳои Тоҷикистон бовар надоранд, барои муоилиҷа кардани худ ба хориҷи кишвар, ба хусус кишварҳои Аврупоӣ, Чин, Ҳиндустон ва ё Эрон сафар мекунанд.

Дар моҳи апрели соли ҷорӣ Мексика эълон карда буд, ки ин ҳавопаймои гаронқиматро ба Тоҷикистон фурӯхтааст, аз он замон то ҳоло хабари ин муомилаи тиҷоратӣ вокунишҳои зиёдеро дар дохил ва хориҷи кишвар ба вуҷуд овардааст, аммо ба сурати расмӣ, мақомоти Тоҷикистон чизеро шарҳ намедиҳанд ва ба мардум гузориш намедиҳанд, ки чиро бо ин қадр пули зиёд, ки аз буҷаи давлат гирифта шудааст, ин ҳавопайморо харидорӣ кардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сафари кории хабарнигрони AZDA TV ба Норвегия

Гузориши кӯтоҳе аз сафари ҳайати Azda TV ба Норвегия ва иштирок дар "Форуми Озодии Осло 2024"

Манъи пӯшидани “ниқоб” дар Русия

Вакилони парлумони Русия лоиҳаи конун дар бораи манъи пӯшидани либосҳое, ки чеҳраро пинҳон мекунад, барои баррасӣ ба ҳукумат фиристодаанд.

Даҳҳо зиндонии қирғиз дар Тоҷикистон

Мақомоти адлияи Қирғизистон мегӯянд, ки даҳҳо нафар аз шаҳрванди ин кишвар дар зиндонҳои Тоҷикистон ба сар мебаранд.

Боздошти 8 тоҷик дар Амрико бо гумони ҳамкорӣ бо ДИИШ

Рӯзи сешанбе, 11-уми июни соли ҷорӣ мақомоти Амрико 8 шаҳрванди Тоҷикистонро бо иттиҳоми иртибот бо ДИИШ боздошт карданд.