32.9 C
Dushanbe

Роҳандозии аввалин қатори борбарӣ аз Тоҷикстон ба Туркия

Аввалин қатори борбарӣ аз Тоҷикистон ба Туркия тавассути Узбекистон-Туркманистон-Эрон ба зудӣ ба роҳ мебарояд.

Акс аз сомонаи Вазорати нақлиёти Тоҷикистон

18-уми октябри соли ҷорӣ дар шаҳри Душанбе бо ташаббуси Вазорати нақлиёти Тоҷикистон конфронси васеъ зери унвони “Логистика ва афзалияти он дар рушди робитаҳои нақлиётии Тоҷикистон бо давлатҳои минтақа” бо ҳузури навмояндагони 15 кишвар ва созмонҳои байналмилаӣ баргузор гардид.

Ба иттилои Вазорати нақлиёти Тоҷикистон, ҳадаф аз баргузории ин конфрос рушди тиҷорат ва логистика байни кишварҳои ИДМ ва кишварҳои хориҷаи дуру наздик мебошад.

Дар ин замина кишварҳои Тоҷикистон, Узбекистон, Тукрманистон, Эрон ва Туркия барои ба роҳ андохтани қатори борбарӣ тавофуқ карданд. Гуфта мешавад, молҳои тиҷоратӣ аввалан тавассути мошинҳои боркашонӣ аз Чин ба Кӯлоби Тоҷикистон ва аз онҷо тавассути қатора ба Узбекистон-Туркманистон-Эрон ва сипас ба Туркия расонида мешаванд.

Акс аз сомонаи Вазорати нақлиёти Тоҷикистон

Аммо кай ин қатори боркашонӣ ба кор оғоз мекунад, чизе гуфта нашудааст. Азим Иброҳим, вазири нақлиёти Тоҷикистон ба даст омадани ин тавофуқро муҳим арзёбӣ крада, мегӯяд, “имрӯзҳо рушди иқтисодиёти ҳар кишварро бе инкишофи логистика тасаввур кардан ғайри имкон  аст.” Вазири нақлиёти Тоҷикистон дар корнфрос пешниҳод карда, ки аз ҳисоби кишварҳои иштироккунандаи ин долон комиссияи корӣ ташкил карда шавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.