22.9 C
Dushanbe

Аз зиндонии раҳбарияти ҲНИТ 2800 рӯз гузашт

17-уми майи соли ҷорӣ Созмони байналмилалии ҳуқуқи башари Freedom Now бори дигар аз мақомоти Тоҷикистон озодии фаврӣ ва бидуни қайду шарти аъзои зиндонии Ҳизби наҳзати исломиро талаб кард.

Ин созмони ҳуқуқӣ бо нашри паёме дар ҳисоби Твиттер навишта, ки 13 узви аршади ҲНИТ 2800 рӯз боз бо иттиҳомоти сохтаи мақомоти Тоҷикистон дар зиндон қарор доранд. Онҳо аз 14 то умурбод маҳкум ба зиндон шудаанд.

“2800 рӯз пеш Тоҷикистон 13 сиёсатмадори аршади мухолифинро боздошт кард. Онҳо бо иттиҳомоти сохта аз 14 сол то умрбод маҳкум ба зиндон шудаанд.”, омадааст дар баёнияи созмон.

Freedom Now дар идомаи номааш таъкид мекунад: “Мо аз раҳбарияти Тоҷикистон даъват мекунем, ки онҳо фавран ва бидуни шарт озод карда шаванд.”

Созмони мазкур дар гузоришҳои қаблияш борҳо ёдовар шудааст, ки тамоми рафти муҳокимаҳои аъзои аршади ҲНИТ пушти дарҳои баста анҷом шуда, шоҳидон зери фишори мақомот шоҳидӣ додаанд ва ҳатто худи аъзои ҲНИТ шиканҷаи зиёд шудаанд ва то ҳол шиканҷаву бадрафторӣ нисбати онҳо идома дорад.

Ёдовар мешавем, ки мақомоти Тоҷикистон пас аз интихоботи президентии соли 2015 фишорро болои ҲНИТ ва аъзои он шиддат бахшид ва дар моҳи сентябри ҳамон сол тарҳи табадулоти давлатӣ аз ҷониби генерл Абдуҳалим Назарзода, муовини вазири мудофиа дар он солро роҳандозӣ кард ва пас аз он ҲНИТ-ро ҳизби террористӣ эълон намуда, аъзои аршади ӯро ба солҳои тӯлонӣ ва ҳатто умурбод ба зиндон андохт.

Тибқи иттилои созмонҳои ҳуқуқӣ, то имрӯз Тоҷикистон натавониста даст доштани ҲНИТ ва аъзои онро дар ошӯби Назарзода собит ва барои маҳкумияти онҳо далоили қонеъкунанда иро кунад.

Ин бори аввал нест, ки созмонҳои ҳуқуқи башарӣ, аз ҷумла созмони Freedom Now ва ҳатто худи Созмони Миллали Муттаҳид озодии фаврӣ ва бидуни қайду шарти аъзои аршади ҲНИТ ва дигар зиндониёни сиёсиро талаб мекунанд, аммо мақомоти тоҷик ҳамеша бо вуҷуди ин дархостҳои пайдарпайи созмонҳои байналмилалиро ба эътибор намегирад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Қазоқистон беш аз 310 ҳазор қурбонии сиёсиро сафед кард

Қазиқистон ҳам мисли хеле дигар аз кишварҳои собиқ Иттиҳоди Ҷамоҳири Шӯравӣ қурбониёни сиёсии даврони столниашро сафед кард, Тоҷикистон чӣ?

HRW дар нома ба Байден аз нақзи ҳуқуқи башар дар кишварҳои Осиёи Марказӣ гуфт

Дидбони Ҳуқуқи Башар (HRW) бо нашри изҳороте аз Ҷо...

Таҳдид зиндон барои навиштани “Ҷумъа муборак” дар Тоҷикистон

Мақомоти Тоҷикистон аз ин ба баъд ирсоли паёмаки "Ҷумъа муборак"-ро дар Тоҷикистон ҷурм дониста, барои он то ҷарима ва ҳатто ҳабсро пешбинӣ кардаанд.

Сохти беш аз 100 дидбонгоҳи марзии ҷадид

Толибон дар марз байни Афғонистон ва кишварҳои ҳамсояи он зиёда аз 100 дидбонгоҳи марзии нав сохтанд.