9.9 C
Dushanbe

БАЁНИЯИ Azda tv ба иттиҳомоти Прокуратураи генералии Тоҷикистон

Идораи Azda tv иттиҳомоти Прокуратураи генералии Тоҷикистон дар хусуси парвандаи журналист Абдуллоҳи Ғурбатиро, ки гӯё вай 13-уми ноябри соли 2019 дар шабакаи иҷтимоии Ютуб дар канали Azda tv узв шуда, “наворҳои паҳннамудаи онро пайгирӣ намуда, барои рангин созии барномаҳои худ истифодабарӣ менамудааст”-ро ҚАТЪИЯН РАД КАРДА ВА БЕ ПОЯ МЕДОНАД.

AZDA TV ИН ИТТИҲОМОТИ ПРОКУРАТУРАИ ГЕНЕРАЛИИ КИШВАРРО БАҲОНАЕ БАРОИ ПАРВАНДАСОЗӢ АЛАЙҲИ ҒУРБАТӢ ВА ФИШОРИ НАВБАТИИ МАҚОМОТ АЛАЙҲИ РАСОНАҲОИ МУСТАҚИЛ БАҲО МЕДИҲАД.

Аз сӯи дигар Идораи Azda tv ба самъи тамоми мақомоти Тоҷикистон ва ҳама мухотабони худ мерасонад, ки он тарҳи расонаии “Бунеди ҳамгароиҳои фарҳангӣ” мебошад, ки ин бунед дар шаҳри Варшаваи Лаҳистон сабт шудааст. Ин расона бо маблағгузории NED (National Endowment for Democracy), ниҳоди мустақили Амрикои фаъолияти худро ба роҳ монда, ба ҳеч ҳизбу ҳаракати сиёсие марбут нест.

Azda tv ҳамчун як расонаи мустақил ба ҳамон андозае, ки ахбори расмии ниҳодҳои Ҳукумати Тоҷикистонро пайгирӣ ва пӯшиш медиҳад, ба хабару гузоришҳои расмии гурӯҳҳои мухолифи Ҳукумати Тоҷикистон низ таваҷҷуҳ мекунад.

Пайгирӣ ва пӯшиш додани ахбор вазифаи ҳар як расонаи мустақил буда, Azda tv ҳам ин амалро вазифаи худ медонад. Биноан, ҳар касе ва ё ҳар ниҳоде дониста ва надониста адои ин рисолатро ба ҳамкорӣ ва ҳамсӯӣ бо гурӯҳҳо ва ё ниҳодҳое мансуб донад, иштибоҳ мекунад.

Дар охир ин нуктаро таъкид мекунем, ки Azda tv ҳамчун як расонаи мустақил аз рӯзи 1-уми июли соли 2020 расман кори худро оғоз кард ва то ин муддат ҳеч гоҳ Абдуллоҳи Ғурбатӣ “барои рангинсозии барномаҳои худ” аз наворҳои Azda tv истифода накардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи тоҷикон аз Кореяи Ҷанубӣ

Бино ба иттилои манобеи Azda tv, мақомоти Кореяи Ҷанубӣ дар ин чанд рӯзи ахир бархе аз муҳоҷирони тоҷикро боздошт ва аз ин кишвар ихроҷ кардаанд.

Ҷойивазкунии мақомдорон дар Тоҷикистон

Бо фармон ва қарорҳои нави Эмомалӣ Раҳмон чанд нафар аз як вазифа озод ва ба вазифа дигар таъйин шуданд.

Истирдоди як фаъоли тоҷик аз Лаҳистон ба Тоҷикистон

Мақомоти Лаҳистон ҳафтаи гузашта боз як фаъоли тоҷикро боздошт ва ба Тоҷикистон истирдод кардааст.

Чаро ҷавонон ифротгаро мешаванд?

Маънои луғавӣ ва истилоҳии ифротгароӣ Ифротгароӣ дар луғат ба маънои аз ҳад гузаштан, аз меъёр гузаштан ва зиёдаравӣ кардан аст (фарҳанги форсии Муин, фарҳанги форсии Амид). Калимаҳои мутародиф ва ё ҳаммаъно бо ифрот иғроқ, газофа, муболиға, сахтгирӣ, ғулув ва монанди ин мебошанд.