4.9 C
Dushanbe

“Барқи тоҷик” лимити барқро дар кишвар тасдиқ кард

Ширкати “Барқи тоҷик” бо пахши изҳороте “лимит”-и нерӯи барқро дар кишвар тасдиқ карда, онро мисли ҳамеша ба”камшавии маҷрои дарёҳо ва захираҳои об” ва “зиёд шудани талабот ба нерӯи барқ” номид.

Дар ин изҳорот, ки рӯзи 28-уми сентябр дар сомонаи “Ховар” нашр шудааст, гуфта мешавад, ки обанбори Норак “то нуқтаи ниҳоӣ аз об пур карда шудааст, вале ҳаҷми воқеии резиши об дар муқоиса ба соли гузашта ва ҳисоби миёнаи бисёрсола кам аст“.

Инчунин ширкати “Барқи тоҷик” мегӯяд, ки аз рӯи ҳисоби мутахассисони соҳа, соли равон низ норасоии мавсимии нерӯи барқ пешгӯӣ шудааст ва аз ҳама даъват карда, ки нерӯи барқро сарфакорона истифода баранд.

Мисли солҳои гузашта ин ширкат таъмири сим ва зеристгоҳҳоро аз сабабҳои дигари қатъи барқ дар кишвар гуфта, онро барои таъмини сокинон бо барқ дар фасли зимистон зарурӣ хондааст.

Ин ширкат мегӯяд, ки “ба маҳдуд намудани таъминоти барқ манфиатдор нестанд. Вале захираҳои обу энергетикие, ки мо ҳоло дар ихтиёр дорем, ҳаминро талаб менамояд ва захираҳои обу энергетикии дар рӯзҳои мусоид сарфашуда барои дар зимистон бештар бо нерӯи барқ таъмин намудани муштариён истифода бурда мешаванд“.

Аммо ин ширкат дар изҳороташ ба суоли мардум, ки кай лимит бардошта мешавад, чизе нагуфтааст.

Изҳороти ширкати “Барқи тоҷик” дар ҳоле расонаӣ мешавад, ки сокинон аз минтақаҳои гуногуни Тоҷикистон, аз ҷумла Суғд, Хатлон, ВМКБ ва ҳатто Душанбе ба расонаҳо аз набуди барқ дар фасли тирамоҳ шикоят карда буданд.

Камбуди барқ дар Тоҷикистон яке аз мушкилотест, ки аз замони ба сари қудрат омадани Эмомалӣ Раҳмон, давоми 30 сол то ҳол ҳалли худро пайдо накардааст. Аммо фурӯши он ба хориҷи кишвар бемушкилие идома дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Роналду ба Тоҷикистон наомад

Ҳамлагари шинохтаи пуртуғолӣ ва бозигари бошгоҳи "Ал-Наср"-и Арабистони Саудӣ Криштиану Роналду ба Душанбе наомад. 

Арабистон $100 миллион ба Тоҷикикстон қарз медиҳад

Фонди Саудии Рушд барои идомаи сохтмони тарҳи Нергуҳои барқи...

Вокунишҳо ба шиканҷаи навраси ноболиғе дар Душанбе

Сабти навори шиканҷаи навраси ноболиғе дар шаҳри Душанбе мавҷи вокунишҳоро дар ҷомеа ба вуҷуд овардааст, вале мақомот то ҳол ин қазияро шарҳ надодаанд.

Баррасии ҳамкориҳои Тоҷикистону Арабистон

Масоили ҳамкориҳои тиҷоратӣ, иқтисодӣ ва сармоягузориҳои Тоҷикистон ва Арабистони Саудӣ дар шаҳри Душанбе мавриди баррасӣ қарор гирифтанд.