Дар мусобиқоти куштии миллӣ, ки дар шаҳри Ҳисор баргузор шуд, мақоми аввалро паҳлавони кӯлобӣ ва ҷои дуюм ҳам насиби як паҳлавони узбекистонӣ гардид.
16-уми марти соли 2023 дар шаҳри Ҳисор бо иштироки беш аз 100 нафар аз куштигирон ва ҳузури зиёда аз 1500 ҳазори каси дигар аз тамошобинон дар мусобиқоти куштӣ баргузор шуд.
Дар ин мусобиқот "аввал кӯдкону наврасон, баъдан ҷавонони навмашқ ба майдон баромададанд. Баъд аз вориди майдон шудани ҷавонпаҳлавонони таҷрибадору шуҳратёр ва рақобати тезутунди онҳо, қарсакҳои бардавому осмонкафи мухлисон баланд гардида, маблағи туҳфаҳо низ аз саду дусад сомонӣ то ба дуҳазору сеҳазор дакка хӯрд."
Гуфта мешавад, дар мусобиқаи куштии деҳаи Гачак паҳлавонон аз вилоятҳои Суғду Хатлон, Вилояти Мухтори Кӯҳистони Бадахшон ва водии Рашт ширкат карда, барои ба даст овардани “Шоҳҷоиза” - ду автомашинаи сабӯкрав паҳлавонони Тоҷикистону Ӯзбекистон рақобат намуданд.
Ин мусобиқот бо ҳузури раҳбарияти шаҳр дар варзишгоҳи деҳаи Гачак, Ҷамоати деҳоти Деҳқонободи шаҳри Ҳисор баргузор гардид.
Барои иштирокчиёни ин мусобиқоти куштии миллӣ аз ҷониби баргузоргукунандаҳои он бар иловаи таҷҳизот ва лавозимоти хона тӯҳфаҳои нақдӣ низ аз сад то сеҳазор сомонӣ ҳам вуҷуд дошт.
Дар ин мусобиқот "Шоҳҷоизаи якумро ҷавонпаҳлавони хатлонӣ (ба номи) Фирдавс ба Кӯлоб ва шоҳҷоизаи дуюмро паҳлавони ӯзбекистонӣ (ба номи) Эҳсон ба Узуни Ҷумҳурии Ӯзбекистон бурд."
