22.9 C
Dushanbe

Баргузории тазоҳуроти мухолифин дар Олмон ва Утриш

Ҳаракати сиёсии “Гурӯҳ 24” аз мухолифини Ҳукумати Тоҷикистон дар Аврупо даъват кардааст, ки дар тазоҳуроти онҳо иштирок кунанд.

Бино ба иттилои расмӣ, 14 ва 15-уми марти соли 2024, ҷамъе аз мухолифини Эмомалӣ Раҳмон дар эътироз ба нопадид шудани раҳбари Ҳаракати сиёсии “Гурӯҳи 24” ва намояндаи ин гурӯҳ дар Туркия гирдиҳамоии эътирозӣ баргузор мекунанд.

Раҳбарияти Ҳаракати сиёсии “Гурӯҳи 24” мегӯянд, ин “тазоҳурот барои пайдо ва раҳоии роҳбари “Гурӯҳи-24” – Сӯҳроб Зафар ва намояндаи ин гурӯҳ дар Туркия – Насимҷон Шарипов баргузор мегардад.”

Ҳамзамон баргузоркунандагони ин тазоҳурот аз тамоми мухолифини ҳукумати Эмомалӣ Раҳмон дар Аврупо ва бахусус дар Олмон ва Утриш хостаанд, ки “нисбат ба тақдири ин ду бародари мубориз, ки ҳаёти худ ва буду набуди хешро дар роҳи озодии мардуми тоҷик ва кишвари Тоҷикистон фидо кардаанд, бетараф набошанд!”

Инчунин Кумитаи шаҳрвандии наҷоти гаравгонон ва зиндониёни сиёсии Тоҷикистон ба ин даъват ҳамроҳ шуда, аз тамоми мухолифини тоҷикистонии муқими Аврупо хостааст, ки “бо истифода аз имконият ва фурсат ба тазоҳуроти эълонкардаи Ҳаракати сиёсии Гурӯҳи 24 барои пайдо ва раҳоии роҳбари «Гурӯҳи 24» Сӯҳроб Зафар ва намояндаи ин гурӯҳ дар Туркия Насимҷон Шарифов бипайванданд!”

12-уми марти соли ҷорӣ Паймони миллии Тоҷикистон бо нашри як изҳороти расмӣ дар бораи нопадид шудани онҳо бо изҳори нигаронӣ гуфта буд: “Нопадид шудани роҳбари як гурӯҳи мухолиф он ҳам дар кишваре, ки даъвои демократӣ ва қонунмеҳварӣ мекунад хеле суолҳоро ба миён овардааст.”

Паймони миллии Тоҷикистон – эътилофи чанд гурӯҳе аз мухолифини Ҳукумати Тоҷикистон дар изҳороташ аз ҷомеаи ҷаҳонӣ дархост карда буд, ки дар қазияи ғайб задани аъзои аршади як ҳаракати мухолифи ҳукумати Эмомалӣ Раҳмон “бетараф” набошанд.

Гуфта мешавад, ҳамагуна тамос бо Сӯҳроб Зафар, раҳбари Ҳаракати сиёсии “Гурӯҳи 24” аз 10-уми марти соли ҷорӣ ба ин тараф қатъ шудааст ва гӯшиаш ҳам хомӯш аст. Аммо тамосҳо бо Насим Шарипов, намояндаи ин гурӯҳ дар Туркия аз 23-уми феврали соли ҷорӣ ба ин сӯ қатъ шудааст. Ҳардуи онҳо дар Туркия – кишваре, ки соли 2015 раҳбари ин гурӯҳ Умаралӣ Қувватов ба қатл расида буд, беному нишон гаштаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Раҳмон ба Итолиё меравад?

Вазорати корҳои хориҷӣ ва ҳамкории байналмилалии Итолиё дар якҷоягӣ бо Оҷонсии савдои ин кишвар (ICE) дар бораи Тоҷикистон нишаст баргузор мекунанд.

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.