Хабаргузории “Азия-Плюс” менависад, ки департаменти иттилоот ва робита бо ҷомеаи ТАЛКО, Игор Сатторов аз қарздор хондани ширкаташ аз ҷониби “Барқи Тоҷик” вокуниш нишон дода, гуфтааст, ки ширкати ТАЛКО аз “Барқи Тоҷик” на ин ки қарздор, балки маблағи андозро пешпардохт кардааст.
Сатторов дар шарҳи ин қазия гуфтааст, ки ҳисоббаробаркунӣ байни ТАЛКО ва ширкати “Барқи Тоҷик” одатан дар охири сол сурат мегирад, на ҳоло.
Ин ҳисоббаробаркуниҳо ба гуфтаи Сатторов, натанҳо аз пардохт барои барқи истифодашуда дар ифодаи пулӣ иборатанд, балки аз ҷониби ширкати алюминий аз ҳисоби таъминоти Маркази барқу гармидиҳии Душанбе бо ангишт ва маҳсулоти нафтӣ ҳисоб баробар карда мешаванд.
“Тайи 5 соли охир ширкати алюминии тоҷик натанҳо пурра, балки бо гузаронидани маблағи зиёдтар аз пешбинишуда барои истифодаи неруи барқ пардохтҳоро анҷом дод”, - илова кард Игор Сатторов.
Рустам Маҷидзода, сардори Сарраёсати молияи “Барқи тоҷик” дар нишасти матбуотии рӯзи душанбеи 27 июл ширкати алюминии ТАЛКО-ро ба сафи ширкатҳое ворид кард, ки аз “Барқи Тоҷик” ҳамчун қарздорони дар ҳаҷми бузург ба шумор мераванд. Маҷидзода ҳаҷми қарзи ТАЛКО-ро 415 млн сомонӣ (беш аз 40 млн доллар) рақам зад.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.