28.9 C
Dushanbe

Бекор кардани низоми раводид байни Тоҷикистон ва Марокаш

Вазирони корҳои хориҷии Тоҷикистон ва Марокаш зери созишномае имзо карданд, ки бар асоси он низоми раводид байни ду кишвар бекор карда мешавад.

Бино ба иттилои расонаҳои марокашӣ 22-уми сентябри соли 2022 вазирони короҳои хориҷии Тоҷикистон ва Марокаш дар шаҳри Ню-Йорки Амрико созишномаеро имзо карданд, ки бар асоси низоми раводид барои дорандагони шиносномаҳои дипломатӣ, хидматӣ ва расмӣ бекор карда мешавад.

Ба қавли манбаъ, ин Созишномаро вазири корҳои хориҷӣ, ҳамкориҳои африқоӣ ва муҳоҷирони Марокаш Носир Бурита ва вазири корҳои хориҷии Тоҷикистон Сироҷиддин Меҳриддин баъд аз музокироте, ки дар қароргоҳи Созмони Милали Муттаҳид дар Ню-Йорк анҷом доданд, имзо карданд.

Вазири корҳои хориҷии кишварамон Сироҷиддин Меҳриддин бо ситоиш аз ин иқдом изҳори умедворӣ кардааст, ки он як “саҳифаи наверо дар равобити ду кишвари бародар” боз мекунад ва метавонад дар бахшҳои иқтисод ва гардишгарӣ кумак кунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.