10.9 C
Dushanbe

Беш аз 400 тоҷикро барои кор ба вилояти Иркутски Русия мефиристанд

Мақомоти Вазорати меҳнат ва шуғли аҳолии Тоҷикистон гуфтаанд, барномаи сафарбар кардани як гурӯҳи муҳоҷирон бо мақомоти Русия баррасӣ шудааст ва бояд онҳо ба вилояти Иркутск барои кор фиристода шаванд.

Инро худи Ширин Амонзода, вазири ин ниҳод ба Радиои Озодӣ тасдиқ кардааст. Амонзода иброз дошта, ки раёсати байналмилалии ин вазорат аз пеш бо ҷониби Русия дар ин замина музокирот дошт.

Дар ҳамин ҳол Фарангис Исломова, сардори ин раёсат ба Радиои Озодӣ гуфтааст, се ширкати сохтмонӣ аз вилояти Иркутск дар шарқи Русия хостори ҷалби муҳоҷирони корӣ аз Тоҷикистон шудаанд.

Ба гуфтаи Исмоилова “ин ширкатҳо вазифадор шуданд, ки тавассути парвози вижа коргарони тоҷикро ба Русия бурда, бо ҷойи кор ва зиндагӣ таъмин мекунанд. Нархи билети парвоз, нархи иҷозаи кор ва сабти номро ин ширкатҳо пардохт мекунанд. Ҳамчунин ба тавофуқ расидем, ки баъд аз муддате ин ширкатҳо коргарони тоҷикро барои рухсатӣ ба Тоҷикистон оварда, сипас дубора ба Русия мебаранд”.

Вале дар мавриди маоиши муҳоҷирон Исломова гуфтааст, тибқи тавофуқот наметавонад миқдори маоши муҳоҷиронро ифшо кунад, вале гуфтааст, дар муқоиса бо соли гузашта маоши муҳоҷирони корӣ ду маротиба бештар аст.

Гуфта мешавад, муҳоҷирон ҳангоми ба Русия ворид шудан тӯли ду ҳафта дар қарантина қарор дода мешаванд. Ширкатҳои сохтмонӣ дар ин маврид бо “Роспотребнадзор” – муассисаи танзимкунандаи беҳдоштии Русия тавофуқ кардаанд.

Масъулини Вазорати меҳнат ва ҳифзи иҷтимоии Тоҷикистон гуфтаанд, ки аз ин пас бештаре аз Тоҷикистон, ки мехоҳанд барои кор ба Русия сафар кунанд, ба чунин тартиб тавассути барномаи “Кор дар Русия” ба Русия бурда мешаванд.

Зиёда аз як миллион шаҳрвандони Тоҷикистон дар ҷустуҷӯи ҷойи кор ҳамасола ба Русия мераванд, вале баъд аз хуруҷи бемории ҳамагири COVID 19 ва баста гардидани марзҳо садҳо ҳазор муҳоҷири кории тоҷик натавонистанд тибқи маъмул худро барои кор то Русия расонанд, ки ин боис шуда сафи бекорон дар Тоҷикистонро афзоиш ёбад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи тоҷикон аз Кореяи Ҷанубӣ

Бино ба иттилои манобеи Azda tv, мақомоти Кореяи Ҷанубӣ дар ин чанд рӯзи ахир бархе аз муҳоҷирони тоҷикро боздошт ва аз ин кишвар ихроҷ кардаанд.

Ҷойивазкунии мақомдорон дар Тоҷикистон

Бо фармон ва қарорҳои нави Эмомалӣ Раҳмон чанд нафар аз як вазифа озод ва ба вазифа дигар таъйин шуданд.

Истирдоди як фаъоли тоҷик аз Лаҳистон ба Тоҷикистон

Мақомоти Лаҳистон ҳафтаи гузашта боз як фаъоли тоҷикро боздошт ва ба Тоҷикистон истирдод кардааст.

Чаро ҷавонон ифротгаро мешаванд?

Маънои луғавӣ ва истилоҳии ифротгароӣ Ифротгароӣ дар луғат ба маънои аз ҳад гузаштан, аз меъёр гузаштан ва зиёдаравӣ кардан аст (фарҳанги форсии Муин, фарҳанги форсии Амид). Калимаҳои мутародиф ва ё ҳаммаъно бо ифрот иғроқ, газофа, муболиға, сахтгирӣ, ғулув ва монанди ин мебошанд.