22.9 C
Dushanbe

БОР барои рушди Тоҷикистон $500 млн ҷудо мекунад

Бонки осиёии рушд (БОР) дар давоми се соли оянда (2022-2024) ба Тоҷикистон 465 миллион доллар барои амалӣ намудани лоиҳаҳо ҷудо мекунад. Дар ин бора Шенни Кэмпбелл, раиси дафтари Бонки осиёии рушд дар Тоҷикистон хабар дод.

Ба гуфтаи ӯ, БОР нақша дорад дар соли 2022 барои иҷрои панҷ лоиҳа 190 миллион доллар дар Тоҷикистон сармоягузорӣ кунад. Ин маблағҳо дар асоси грант ҷудо карда мешаванд ва лоиҳаҳо бахшҳое аз қабили энергетика, нақлиёт, бахши молиявӣ, тағирёбии иқлим (офати табиӣ) ва таъмини об дар шаҳри Душанберо дар бар мегиранд.

Шенни Кэмпбелл ҳамчунин зикр кард, ки соли гузашта Бонки осиёии рушд ду лоиҳаро барои харидории ваксинаҳо бар зидди COVID-19 ва татбиқи лоиҳаи обёрӣ дар ноҳияи Ёвони вилояти Хатлон маблағгузорӣ кардааст.

Раиси БОР дар Тоҷикистон ҳамчунин гуфт, ки “Тоҷикистон пас аз пандемия рушди баланди иқтисодӣ нишон дод. Аммо ин афзоиш ҷойҳои нави корӣ эҷод намекунад. Аз ин рӯ, лоиҳаҳо ба таъсиси ҷойҳои нави корӣ нигаронида шудаанд. Махсусан, лоиҳа дар соҳаи маориф (Омӯзишгоҳи касбӣ-техникӣ) на танҳо барои омода сохтани мутахассисоне, ки дар хориҷа кор карда тавонанд, балки ба омода кардани мутахассисон барои бозори дохилӣ низ нигаронида шудааст”.

Тоҷикистон аз соли 1998 бо БОР ҳамкорӣ дорад. Дар муддати 23 сол БОР бузургтарин шарики бисёрҷонибаи рушд барои Тоҷикистон гардид. Дар ин муддат БОР ба Тоҷикистон беш аз 2,1 миллиард доллари ИМА, аз ҷумла беш аз 1,6 млрд $ ИМА дар шакли грантҳо ҷудо намудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.

Боздошти боз як тоҷик дар Русия

Дар шаҳри Твери Русия як гумонбари дигар дар робита ба ҳамлаи террористӣ дар "Крокус Сити Ҳолл"-и Красногорск боздошт шуд.