14.9 C
Dushanbe

Боз як тоҷики кушташуда дар Украинро дар зодгоҳаш ба хок сипурданд

Рӯзи 28-уми апрел ҷасади Маҳмадалӣ Абдуллоев, сарбози 22-солаи тоҷике, ки дар сафи нерӯҳои Русия дар Украина меҷангид, дар Тоҷикистон ба хок сипурда шуд.

Акс аз шабакаҳои иҷтимоии марбут ба марҳум

Тавре Радиои Озодӣ хабар дод, Абдуллоев ба таври қарордодӣ дар артиши Русия хидмат мекард ва охири моҳи март дар шаҳри Изюми вилояти Харков кушта шуд, вале ҷасади ӯро дирӯз ба зодгоҳаш ноҳияи Ҷалолиддини Балхии вилояти Хатлон интиқол дода, онҷо дафн карданд.

Пас аз оғози ҳамлаи Русия ба Украина дар охири моҳи феврал то имрӯз ҷасадаи чандин шаҳрванди Тоҷикистон, ки дар сафи нерӯҳои Русия меҷангиданд, ба Тоҷикистон интиқол дода ё дар Русия дафн шудаанд.

Рӯзи 23-уми апрел низ ҷасади сарбози 24-солаи тоҷик, Абубарк Нозимовро, ки зодаи ноҳияи Ашти вилояти Суғд буд, дар шаҳри Барнаули Русия ба хок сипурданд. Наздиконаш ба Озодӣ гуфтанд, ки ӯ рӯзи 12-уми апрел дар шаҳри Харови Украина кушта шуда буд.

Шумори дақиқи кушташудагон аз ҳисоби шаҳрвандони Тоҷикистон дар ҷанги Украина маълум нест. Рӯзи 29-уми апрел як манбаъ бо шарти фош нашудани номаш ба Azda tv гуфт, айни замон ҷасади 15 шаҳрванди тоҷикро, ки дар Украина кушта шудаанд, ба шаҳри Самараи Русия овардаанд, шояд ба Тоҷикистон интиқол дода шаванд, маълум нест.

Ҳамзамон як манбаи дигар аз Русия гуфт, ки тоҷикони зиёде дар ин ҷанг кушта шудаанд, ки омори дақиқи онҳоро касе намедонад. “Оморҳое, ки мо ҳаррӯз мешунавем, тоҷикони кушташуда дар Украина хеле зиёданд. Танҳо аз як хонавода ду бародар кушта шудаанд. Онҳо аз ноҳияи Ҷиликули вилояти Хатлон буданд.”, афзуд манбаъ.

Ба гуфтаи манобеи мо, аз сабабе, ки хабари марги кушташудагон дер ба хонаводаҳояшон расонида мешавад, аксари онҳоро наметавонанд ба Тоҷикистон интиқол бидиҳанд. Наздиконашон маҷбур мешаванд дар худи Русия онҳоро дафн кунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.