ЛИТВА: Боздошти 1044 муҳоҷири ғайриқонунӣ дар марз

Литва аз вуруди садҳо нафар муҳоҷирони ғайриқонунӣ тайи ду моҳи ахир дар марзҳои шарқии Иттҳоди Аврупо бо Беларус хабар медиҳад.

5-уми июл, Сарвазири Литва Ингрида Шимоните эълом кард, ки сар аз 1-уми июни соли ҷорӣ то кунун дар марз бо Беларус 1044 муҳоҷири ғайриқонунӣ боздошт шудааст.

Гуфта мешавад, дар байни ин мавҷи муҳоҷирон ба кишварҳои узви Иттиҳоди Аврупо шарҳвандони кишварҳои Осиёи Марказӣ, аз ҷумла Тоҷикистон низ ҳузур доранд.

2-юми июли соли ҷорӣ президенти Беларус Александр Лукашенко дар ин робита дар марз бо Литва таҳдид карда буд, ки “мо дар натиҷаи таҳримоти Ғарб барои ин на пул дорем ва на нерӯ. Ва шумо хуб мефаҳмед, ҳеҷ кас намедонад, ки дар Литва ва дар марз чӣ ҳодисаҳо рух медиҳанд, ин танҳо як далел аст.

Қаблан “Аздо тв” хабар дода буд, ки аз аввали соли 2021 дар марзи кишвари Литва 387 нафар муҳоҷирони ғайриқонунӣ боздошт шудаанд ва 6-тои онҳо шаҳрвандони Тоҷикистон будаанд. Ин муҳоҷирон мехостанд аз марзи Белорус ғайриқонунӣ вориди сарҳади Литва шаванд.

Бино ба маълумоти Хадамоти марзбонии Литва аксари онҳо ҳуҷҷат надоранд ва дастгиршудагон занон, мардон, ноболиғону синну солҳои гуногун мебошанд, ки аз Литва дархости паноҳандагӣ мекунанд.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.