6.9 C
Dushanbe

Боздошти 11 нафар дар Амури Русия баъди як “ошӯб”

Хабаргузориҳои Русия аз дастгиршавии 11 нафар муҳоҷире менависанд, ки ба иллати ташкили бетартибиҳои оммавӣ муттаҳам дониста мешаванд.

“Радиои Озодӣ” навиштааст, ки дар вилояти Амури Русия 11″иштирокчии фаъол”-и ошӯб кормандони ширкати туркии “Ренесанс ҳиви индастриз” дастгир шуданд.

Идораи минтақавии тафтишотии Амур иттилоъ дода, ки боздоштшудагон бо гумони ташкили бетартибии оммавӣ айбдор мешаванд. Кормандони ширкати мазкур, ки асосан муҳоҷирони Узбекистон ҳастанд, 13 июл даст ба эътироз зада, қисми пардохтнашудаи маошашонро талаб намуданд, ки барои патент ситонида шуда буд.

Дар ҳоли ҳозир ду гумонбар бо қарори додгоҳ ба ҳабси пешакӣ гирифта шуда, масъалаи ҳабси афроди боқӣ дар ҳоли баррасист. Ба гуфтаи мақомот, онҳо ҳамла ба бинои ширкат, мағоза ва фурӯшгоҳи телефон дар маҳалли сохтмонро ташкил кардаанд.

Даҳҳо муҳоҷири тоҷику узбек рӯзи 13-уми июл дар маҳалли сохтмони корхонаи коркарди газ дар вилояти Амури Русия “ошӯб” бардоштанд. Муҳоҷирон сабаби хашму эътирози худро ба кам пардохт шудани маош рабт доданд. Дар сохтмони корхонаи коркарди газ дар шаҳри Свободное дар вилояти Амури Русия беш аз 15 ҳазор муҳоҷири корӣ аз Осиёи Миёна, аз ҷумла ҳудуди 4 ҳазор тоҷик кор мекунанд.

Густариши коронавирус ва карантини саросарӣ дар Русия зиндагии бе ин ҳам сахти муҳоҷирони Осиёи Марказиро дар ин кишвар сахттар кард. Хонаводаҳое, ки аксарият барои таъмини зиндагӣ аз кишварҳои Осиёи Марказӣ омада, дар давраи пандемия дар хона банд монданд ё маоши кам гирифтанд, дар ҳолати ногувор қарор гирифтанд. Ҳукумати Русия ба хотири сабукӣ ба муҳоҷирон бо як дастури махсус онҳоро се моҳ аз пардохти ҳаққи патент ва низ иҷозаи истиқомат озод кард.

Аммо ҳоло, ба назар мерасад, ки дигарбора шароити кору иқомати муҳоҷиронро сахттар мекунад. Ахиран масъалаи дастгир ва истирдоди муҳоҷирони ғайриқонунӣ дар Русияро ба таври комил дар ихтиёри вазорати дохила қарор дод.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Русия ба Тоҷикистон муаллиму китобҳои забони рус мефиристад

Русия махсус барои Тоҷикистон омӯзгорони забони русӣ ва дигар...

Мухолифони Толибон дар Душанбе ҷамъ омаданд

Нишасти 11-уми "Гуфтумони амниятии Ҳирот" бо меҳварияти масоили Афғонистон дар шаҳри Душанбе ба кори худ оғоз кард.

Поёни оташбаси муваққат дар Ғазза ва хостори тамдиди он

Имрӯз, 27-уми ноябр рӯзи охирини оташбаси 4-рӯзаи байни Исроил ва ҲАМОС аст. Эҳтимол меравад он то чанд рӯзи дигар тамдид шавад.

Таҷаммуи эътирозӣ дар Олмон барои озодии Абдуллоҳи Шамсиддин

Гурӯҳе аз ҳамкорони Абдуллоҳи Шамсиддин, писари Шамсиддини Саид, узви аршади ҲНИТ рӯзи 23-уми ноябр бори дигар дар Олмон барои талаби раҳоии ӯ гирдиҳамоӣ карданд.