24.9 C
Dushanbe

Боздошти як гурӯҳ бо иттиҳоми “ғоратгарӣ”

Дар шаҳри Душанбе як гурӯҳи сенафариро боздошт карданд, ки ба ғоратгарӣ, тамаъҷӯӣ ва ба ғайриқонунӣ маҳрум кардан аз озодӣ гумонбар мешаванд.

Маркази матбуотии Раёсати Вазорати корҳои дохилии Тоҷикистон дар шаҳри Душанбе, аз боздошти шаҳрвандони кишвар Абдуманнон Болтаев, Шаҳноза Тошпӯлотова ва Манижа Бобоева бо гумони даст доштан дар ҷиноятҳои “ғоратгарӣ”, “тамаъҷӯӣ” ва дигар ҷиноятҳо хабар дод.

Ба гуфтаи мақомот, раҳбарии ин гурӯҳро Абдуманнон Болтаев, ки қаблан барои роҳзанӣ ва дуздӣ маҳкум шуда буд, бар уҳда доштааст.

Дар хабар гуфта мешавад, ки Тошпӯлотова ва Бобоева дар шаҳри Душанбе хонаеро иҷора гирифта, тариқи шабакаҳои иҷтимоӣ ба мардон “хизматҳои пулакии шаҳвониро” пешниҳод мекардаанд.

Ҷавононе, ки ба доми онҳо меафтодаанд, дар аввал онҳоро Шаҳноза ва Манижа дар хонаи иҷорагирифтаашоон пешвоз мегирифтаанд.

Пас аз чанд вақт Болтаев бо завлона, туфангча ва электрошокер вориди хона шуда, худро корманди мақомоти ҳифзи ҳуқуқ муаррифӣ намуда, ҷабрдидаҳоро лату кӯб мекардааст.

Ӯ бо камераи телефонаш ҳамаи инро наворбардорӣ карда, бо тарс додан аз ҷавонони ба домашон афтода, маблағҳои калонро мегирифтааст. Болтаев аз яке аз ҷабрдидаҳо мошини тамғаи “BMW” гирифтааст.

Дар ҳоли ҳозир, нисбати боздоштшудаҳо Абдуманнон Болтаев, Шаҳноза Тошпӯлотова ва Манижа Бобоева тибқи моддаҳои 249 (Ғоратгарӣ), 131 (Ғайриқонунӣ маҳрум сохтан аз озодӣ) ва 250 (тамаъҷӯӣ)-и Кодекси ҷиноятии Ҷумҳурии Тоҷикистон парвандаи ҷиноӣ боз шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кумаки 141 миллионии ИА ба Тоҷикистон

Иттиҳоди Аврупо эълон кардааст, ки зиёда аз 140 миллион евро ба Тоҷикистон кумак мекунад.

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.