23.9 C
Dushanbe

Бозпурсии модаркалони 80-сола барои фаъолияти сиёсии набера

Кормандони Кумитаи давлатии амнияти миллии Тоҷикистон дар Вилояти Мухтори Кӯҳистони Бадахшон, модаркалони 80-солаи як мухолифи бадахшониро барои фаъолиятҳои сиёсии наберааш – Мушаррафиддин Ризвоншоев боспурсӣ кардаанд.

Бино ба иттилои Анора Саркорова, рӯзноманигори шинохтаи кишвар, ҳамроҳи модаркалон аммаи ин фаъоли сиёсиро низ барои бозпусӣ бурдаанд. Бозпурсии пайвандони ин фаъоли помирӣ чанд соат давом карда, кормандони амниятӣ бо онҳо муносибати дурушт намуда, зани солхӯрда ва духтарашро таҳқир кардаанд.

Пештар аз ин, пайвандони Ризвоншоевро дар Раёсати Вазорати корҳои дохилии Тоҷикистон дар ВМКБ низ бозпурсӣ кардаанд.

Кормандони КДАМ ва ВКД наздикони Мушаррафиддин Ризвоншоевро тарс дода, аз онҳо талаб кардаанд, ки ин фаъоли помирӣ ба ватан баргардад ва ихтиёран ба мақомот таслим шавад.

Аммо Мушаррафиддин Ризвоншоев борҳо гуфтааст, ки хонаводаи ӯ барои фаъолиятҳои сиёсияш ҷавобгар нестанд.

Анора Саркорова, рӯзноманигори шинохта мегӯяд, ки наздикони фаъолони маданӣ гаравгони мақомоти тоҷик шуданд ва тайи чанд моҳи ахир даҳҳо наздикони фаъолони помирӣ барои бозпурсӣ ба ВКД ва КДАМ дар ВМКБ даъват шудаанд. Аммо бисёриҳо аз тарси таъқиб ва ҷавобгарии ҷиноӣ аз ифшои бозпурсиии пайвандонашон худдорӣ мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон: 8 миллиард барои обу ҳаво

Кумитаи ҳифзи муҳити зисти Тоҷикистон ва Бонки Осиёии Рушд...

Боздошти Шокирҷон Ҳакимов, муовини раиси ҲСДТ

Шокирҷон Ҳакимов, муовини якуми раиси Ҳизби сотсиал-демократи Тоҷикисон аз...

Боздошти марди 59-солаи тоҷикистонӣ дар Олмон ба иттиҳоми қатли ҳамсар

Мақомоти олмонӣ як марди 59-солаи тоҷикистониро бо иттиҳоми қатли ҳамсараш боздошт кардаанд.

Баъди латукӯби сарбоз раиси суди ноҳияи Шамсиддин Шоҳин аз вазифа барканор шуд

Раиси суди ноҳияи Шамсиддин Шоҳини вилояти Хатлон, ки як сарбозро латукӯб карда буд, аз вазифа барканор шуд.