-3.1 C
Dushanbe

Вокуниши расонаҳо дар бораи қатли Мамадбоқир Мамадбоқиров

Аксари расонаҳои овозадори минтақа дар бораи қатли Мамадбоқир Мамадбоқиров навиштаанд, ки ӯ дар натиҷаи “як амалиёти махсуси мақомоти Тоҷикистон террор” ва ба шаҳодат расиддааст.

22-уми майи соли 2022 Вазорати коҳои дохилии Тоҷикистон (ВКД) бо нашри як изҳорот аз қатли сарҳанги бознишаста Мамадбоқир Мамадбоқиров хабар дод.

ВКД дар ин изҳороташ гуфта буд, ки марҳум Мамадбоқир Мамадбоқиров “соати 17:30 дар шаҳри Хоруғ дар маҳаллаи Хоруғи Боло бар асари муноқишаи байниҳамдигарии дохилӣ” кушта шуд.

Аммо бар хилофи ривояти мақомоти корҳои дохилӣ аз ин ҳодиса хеле аз расонаҳои ғайриҳукуматӣ ва расонаҳои мансуб ба мухолифини тоҷик ҳам дар бораи қатли Мамадбоқир Мамадбоқиров ривоятҳои дигареро ба мухотабони худ пешниҳод кардаанд.

Пойгоҳи хабарии “Бомдод” яке аз аввалинҳо шуда хабар дода буд, ки Мамадбоқир Мамадбоқиров бо тири снайпер “дар натиҷаи як амалиёти вижа дар шаҳри Хоруғ кушта шуд.” Ба дунболи он сомонаи “Azdo tv” ҳам гуфта буд, ки ӯ “аз ҷониби мақомот кушта шуд.” Инчунин “Радиои Озодӣ” ҳам гуфта буд, ҳамроҳи ӯ як нафари дигаре низ захмӣ шудааст.

Аз ҷониби дигар аксари расонаҳои форсизабону арабизабон ҳам дар замони бозтоби ин хабар ривояти мақомоти корҳои дохилиро зери суол бурда, гуфтаанд, ки Мамадбоқир Мамадбоқиров, яке аз раҳабарони мардумӣ ва ё яке аз раҳбарони шиёни Тоҷикистон дар Вилояти Мухтори Кӯҳистони Бадахшон дар натиҷаи амалиёти махсуси мақомоти кишвар “террор ва ба шаҳодат” расидааст.

Дар робита ба ин хеле аз расонаҳои русизабони минтақа низ дар пахш ва бозтоби ин хабар ба навъе мақомоти корҳои дохилӣ ва амниятии Тоҷикистон муттаҳам ба “террор”-и Мамадбоқир Мамадбоқиров кардаанд ва иддае ҳам бо нашри ривояти ВКД аз ин хабар иктифо намудаанд.

Як таҳқиқи кучак нишон медиҳад, ки дар раванди бозтоби хабари қатли Мамабоқир Мамадбоқиров хеле аз расонаҳои англисизабони дунё низ ба он таваҷҷуҳ кардаанд, вале ба назар мерасад, бархилофи расонаҳои форсизабону арабизабон, чанде расонаҳои англизабон ҳам ба ривояти мақомоти корҳои дохилӣ такия кардаанд. Ривояте, ки хеле аз кормандони корҳои дохилӣ низ ба он бовар надоранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.