14.9 C
Dushanbe

Буҷаи давлатӣ барои соли оянда бештар ба нақша гирифта шудааст

Сурат: azda.tv

То соли 2023 Ҳукумати Тоҷикистон ният дорад, ки ҳаҷми даромади буҷети давлатиро то 32,2 млрд сомонӣ зиёд намояд.

Бино ба навиштаи сомонаи “Азия – Плюс” ин нишондиҳанда нисбат ба нақшаи тасҳеҳшудаи даромади буҷет барои соли равон ба андозаи 36,4% ё худ 8,6 млрд сомонӣ зиёдтар гуфта шудааст.

Дар лоиҳаи қонун “Дар бораи Буҷети давлатӣ барои соли 2021” ва нишондиҳанаҳои дурнамои Буҷети давлатии давраи солҳои 2022-2023 гуфта шудааст, ки ҳаҷми умумии қисмати даромади буҷети давлатии соли 2021 ба маблағи 27,6 млрд сомонӣ, соли 2022 – зиёда аз 30,9 млрд сомонӣ ва соли 2023 – беш аз 32,2 млрд сомонӣ ба нақша гирифта шудааст.

Ҳамчунин гуфта мешавад, бар асари таъсири пандемияи коронавирус ба иқтисоди Тоҷикистон, зарари расида буҷети соли ҷорӣ бозбинӣ ва ба ҷойи 26,1 млрд сомонии қаблан пешбинишуда дар ҳаҷми 23,6 млрд сомонӣ муқаррар  карда шуд.

Дар идома зикр гардидааст, ки ҳукумат афзоиши қисмати хароҷоти буҷетро дар соли 2023 ба андозаи 26,1% ё худ 6,8 млрд сомонӣ дар муқоиса бо нақшаи тасҳеҳшудаи хароҷот барои соли ҷорӣ (26 млрд сомонӣ) пешбинӣ кардааст.

Ба ин тариқ, хароҷоти буҷет дар соли 2021 ба маблағи 28,1 млрд сомонӣ, соли 2022 – 31,5 млрд сомонӣ ва соли 2023 – 32,9 млрд сомонӣ дар назар гирифта шудааст.

Вазорати молия камбуди воридшавии маблағ ба буҷетро коҳиши даромад аз пардохти андозҳои асосӣ – андоз аз даромад, андоз аз фоида ва андоз аз арзиши иловашуда унвон кардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.