Фармондеҳи собиқи ҷиҳодии Афғонистон Абдулқаюми Ахгар имрӯз, 28-уми сентябри соли 2022 бо 300 сарбозаш аз ҷониби Тоҷикистон вориди Бадахшони Афғонистон шуд.
Тавре “
Дар ин бора расонаҳои Афғонистон рӯзи шанбеи гузашта хабар доданд, ки як фармондеҳи Толибон бо 150 нерӯяш аз ҳаракати Толибон ҷудо шуда ба Ҷабҳаи муқовимат пайвастааст. Гуфта мешавад, пас аз сари қудрат омадани Толибон дар Афғонистон мардуми Бадахшон як ҷабҳаи муқовимат бар зидди толибон бо раҳбарии Аҳмад Масъуд, писари Аҳмадшоҳ Масъуд таъсис доданд. Давоми бештар аз як сол нерӯҳои ин ҷабҳа бо Толибон меҷангданд. Аммо дар ин чанд моҳи ахир даргириҳо шиддат гирифтааст. Ба гузориши “Ҳашти субҳ“-и Афғонистон дар як моҳи гузашта даргириҳо байни Толибон ва нерӯҳои Ҷабҳаи муқовимат шиддат гирифта, “танҳо дар як моҳи гузашта 22 даргирӣ миёни афроди мусаллаҳи ду тараф дар чаҳор вилояти кишвар рух додааст.” Ба гузориши ин расона, дар ҷараёни ин даргириҳо ҳудуди 200 нафар а з нерӯи Толибон ва 80 нафар аз нерӯҳои Ҷабҳа кушта шудаанд. Ин дар ҳолест, ки Толибон пайваста ҷанг дар Афғонистонро поёнёфта эълон мекунанд ва хусусан даргириҳо дар Бадахшон ва дигар вилоятҳои ин кишвар бо нерӯҳои муқовиматро хабарҳои дурӯғи фейсбукӣ меноманд.