Муноқишаи гурӯҳӣ байни шаҳрвандони Тоҷикистон дар Русия
Рӯзи 3 сентябр зодагони Тоҷикистон дар Русия байни ҳамдигар муноқиша намудаанд. Гуфта мешавад, дар ин ҷанг аз силоҳи тапонча то калтак истифода шудааст.
Дар видиое, ки тавасути камераҳои назоратӣ дар ин минтақа сабт шуда, дида мешавад, ки як гурӯҳ, ҷавонон дар руйяшон ниқоб кашидаанд ва дар дастонашон калтак ба суйи як анбор ҳаракат мекунанду ба як идора ворид шуда, тамоми чизҳои онро хароб мекунанд ва нафарони дар онҷобударо лату кӯб мекунанд.
Сипас ҳангоми баромадан аз бино як мошин ба самти ин ҷавонон ҳаракат намуда чанд нафарро пахш мекунад. Ва он ҷавоне, ки дар дасташ тапонча буд, ҳодисаро дида, фирор мекунад, аммо мошин онро низ пахш мекунад.
Гуфта мешавад, ҷанг байни зодагони Ҳисору Кулоб рӯх додаст.
Вале то ҳол дар барои тафсилоти хабар изҳороти расмие на аз ҷониби мақомоти дахлдори Русия на аз ҷониби Тоҷикистон нашр нашудааст. Ва маълум нест, ки сабаби аслии ин ҳодиса чӣ буда ва чаро чунин ҷанҷоле рух додааст.
То имрӯз хабарҳо дар мавриди ҷангҳои гурӯҳии шаҳрвандони Узбекистон ва ё Доғистону дигар миллатҳо бо шаҳрвандони Тоҷикистон расонаӣ мешуд, аммо ин бор ҷанҷол байни худи шаҳрвандони Тоҷикистон рух додааст ва то баёноти расмӣ сабаби ин ҳодиса норӯшан хоҳад монд.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.