35.9 C
Dushanbe

Чаро Русия бо Тоҷикистон парвозҳояшро барқарор намекунад?

Рӯзи 21 сентябр парвозҳои мустақим аз Русия ба Белорус, Қазоқистон ва Қирғизистон ба роҳ монда мешавад, вале номи Тоҷикисон зикр нагардидааст.

Хабаргузории расмии ТАСС аз манбааш аз Ситоди мубориза бар зидди паҳншваии коронавирус хабар додааст, ки Русия парвозҳои байналмиллалияшро ба шаҳрҳои Бишкеки Қазоқистон, Нурсултони Қазоқистон ва Мински Белорус барқарор мекунад.

Инчунин Русия шурӯъ аз 27 сентябри соли равон ҳамлу нақли ҳавоияшро бо Куриёи Ҷанубӣ низ аз сар мегирад.

Ҳамзамон расонаҳои узбекӣ хабар доданд, ки ширкати ҳавонавардии Узбекистон фурӯши озоди билетҳоро барои парвозҳои чартерӣ аз Тошканд ба Маскав ба миён гузоштааст.

Вале дар мавриди оғози парвоҳо байни Русияву Тоҷикистон то ҳол маълум нест ва гуфта нашудааст, ки парвозҳои маъмулӣ кай байни ин ду кишвар барқарор мегарданд.

Чанде пеш Вазорати корҳои хориҷии Тоҷикистон эълон карда буд, ки  аз 16 то 30 сентябр 71 парвози иловагӣ барои бозгардондани шаҳрвандони Тоҷикистон аз шаҳрҳои гуногуни Русия ташкил шудааст ва ин парвозҳо бояд аз тарафи ширкати “Сомон Эйр” анҷом дода шаванд.

Бино ба гуфтаи коршиносон чунин ба назар мерасад, ки вазъи каронавирус дар Тоҷикистон чандон хуб нест ва маъмулан давлатҳо дар ҳоле бо ҳамдигар парвозҳои маъмулиро барқарор мекунанд, ки вазъи бемории ҳамагир то андозае таҳти контрол бошад. Инчунин баид намедонанд, ки Русия аз фурсат истифода бурда, мехоҳад бо ин роҳ сафи муҳоҷирони кориро аз ҳисоби шаҳрвандони Тоҷикистон кам кунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд.