Давлатшоҳ Гулмаҳмадзо, собиқ муовини сарвазири Тоҷикистон Имомуддин Сатторовро дар курсии сафорати кишварамон дар Русия иваз кард.
2-юми август, бо фармонҳои ҷадиди Эмомалӣ Раҳмон собиқ сафири Тоҷикистон дар Маскав аз вазифа озод ва ба ҷои вай Давлатшоҳ Гулмаҳмадзода Сафири Фавқулода ва Мухтори Ҷумҳурии Тоҷикистон дар Федератсияи Русия таъин шуд.
Бино бар иттилои хадамоти матбуоти Президент, Сатторов Имомуддин Мирзоевич бо сабаби ба кори дигар гузаштан аз вазифаи Сафири Фавқулодда ва Мухтори Ҷумҳурии Тоҷикистон дар Федератсияи Россия ва ҳамзамон Сафири Фавқулодда ва Мухтори Ҷумҳурии Тоҷикистон дар Ҷумҳурии Арманистон ва Намояндаи комилҳуқуқи Ҷумҳурии Тоҷикистон дар Комиссия оид ба масъалаҳои иқтисодии назди Шӯрои иқтисодии Иттиҳоди Давлатҳои Мустақил озод карда шавад.
Ҳамзамон тибқи ин фармонҳои ҷадид Файзулло Холбобоев низ аз вазифаи сафири Тоҷикистон дар Молдова озод карда шуд ва Давлаталӣ Назризода сафири нави Ҷумҳурии Тоҷикистон дар Ҷумҳурии Молдова таъин гардид.
Инчунин, бо қарори ҳукумат Хусрав Нозирӣ аз вазифаи муовини аввали вазири корҳои хориҷии ҷумҳурӣ озод шуда, дар мувофиқа бо Эмомалӣ Раҳмон ва қарори Шӯрои вазирони корҳои хориҷии кишварҳои узви Созмони ҳамкориҳои иқтисодӣ (СҲИ) Хусрав Нозирӣ дабири кулли СҲИ таъин шуд.
