-2.1 C
Dushanbe

Сафи мӯътаризон меафзояд. Хуруҷи даҳҳо ҳазор мӯътариз ба хиёбонҳо дар Минск

Акс аз “belsat.eu”

Рӯзи якшанбе даҳҳо ҳазор мӯътариз дар Минск ба нишони эътироз алайҳи Александр Лукашенко, раисиҷумҳури феълии Беларус, ки бори шашум худро барандаи интихоботи кишвараш эълон кард, ба кӯчаҳо баромаданд. Мӯътаризон иддао доранд, ки Лукашенко ин бор ҳам бо роҳи фиребу тақаллуб худро барандаи интихобот эълон кардааст. Ва рафтани ӯро аз курсии президентӣ талаб доранд.

Хабаргузории бахши русии “Евронюз” менависад, ки бо вуҷуди зиёд будани нерӯҳои амниятии зидди ошуб, мӯътаризони Беларус, ки бо даъвати ҳизбҳои мухолифи ҳукумати Лукашенко ба кӯчаҳои пойтахт баромаданд буданд, дар даст парчамҳои сурху сафед доштанд ва бо шиорҳо истеъфои президентро талаб мекарданд.

Созмонҳои ҳуқуқи башарӣ хабар медиҳанд, ки дар ҷараёни тазоҳуроти рӯзи якшанбе дар Минск ҳудуди 70 нафар боздошт шудааст. Хабаргузории “Интерфакс”-и Русия гузориш дод, ки дар натиҷаи тазоҳурот чанд нафар эътирозгар захмӣ шудаанд.

Вазорати умури дохилаи Беларус мегӯяд, дар тазоҳуроти рӯзи шанбе 91 эътирозгар, ки ба гуфтаи онҳо сабабгори “халалдор кардани тартиботи ҷамъиятӣ” буданд, боздошт шудаанд. Вазорат инчунин ба зарурати саркӯб кардани эътирозҳои давомдор таъкид кардааст.

Бо вуҷуди ин, эътирозҳои беларусҳо тайи чаҳор ҳафтаи охир беист идома дорад ва дар рӯзҳои охир шумори онҳо афзудааст, ки сафи онҳо ба даҳҳо ҳазор нафар мерасад.

Коршиносон мегӯянд, Александр Лукашенко, ҳампаймони Русия буда, бо ҳимояти ҳукумати ин кишвар аз соли 1994 дар Беларус қудратро дар даст дорад. Тибқи иттилои расмӣ, Светлана Тихановская, танҳо рақиби аслӣ ва рақиби Лукашенко, тақрибан 8% овозҳоро ба даст овард ва фавран пас аз интихобот ба кишвари Литва паноҳ бурд.

Ахиран кишварҳои Литва, Латвия ва Эстония, ҳамсояҳои Беларус, низ алайҳи Лукашенко ва 29 мансабдори дигар таҳрим ҷорӣ кардаанд, ки дигар сафар кардани онҳо ба кишварҳои мазкур мамнӯъ шудааст. Иттиҳоди Аврупо (ИА) низ натоиҷи интихоботи Белорусро ба расмият нашинохт ва аз ҳукумати он даъват кард, ки бо эътирозгарон аз роҳи хушунат кор нагирад ва инчунин интихоботи озод баргузор кунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.