Тоҷикистон

Дар Душанбе ду эстакадаи дигар сохта мешавад

Дар Душанбе боз ду эстакадаи нав дар хиёбони Саъдӣ Шерозии назди чорроҳаи Сирки давлатии Тоҷикистон сохта шавад, вале кай кори он расман оғоз мешавад, маълум нест.

Акс аз Интернет

Хабаргузории давлатии "Ховар" бо такя ба Раёсати сохтмон, азнавсозӣ ва таъмири роҳу кӯпрукҳои шаҳри Душанбе хабар дод, ки баррасии ин лоиҳа оғоз шудааст, вале "масъалаҳои муайян кардани манбаъҳои маблағузории он идома доранд."

Гуфта мешавад, эстакадаи мазкур бо ҳадаф бартараф кардани "танбашавии зиёди воситаҳои нақлиёт дар роҳҳои пойтахт, бехатарии ҳаракати нақлиёт ва роҳгузарҳо, инчунин ба меъёрҳои ҷаҳонӣ мутобиқ намудани роҳҳои пойтахт" бунёд мешавад.

Ба иттилои манбаъ, "бунёди эстакадаи сесатҳа дар хиёбони Саъдӣ Шерозии назди чорроҳаи Сирки давлатии Тоҷикистон низ дар назар дошта шуда, дар доираи он навсозии роҳҳо аз буриши хиёбони С. Шерозӣ то буриши кӯчаи Қаҳҳоров дар назар аст."

Дар пойтахти Тоҷикистон то имрӯз ду роҳи сетабақа вуҷуд дорад. Ба иттилои манбаъ, муовини сардори Сарраёсати меъморӣ ва шаҳрсозии шаҳри Душанбе Шодимурод Аловуддинов гуфта, ки тибқи Нақшаи генералии шаҳри Душанбе то соли 2025 дар пойтахт 20 адад чорроҳаҳои сетабақа дар пойтахт сохта мешавад.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Тоҷикистон

Тоҷикистон

Тағйироти кадрӣ дар мақомоти судии Тоҷикистон

Тоҷикистон

Огоҳӣ! Дар Тоҷикистон ин рӯзҳо ҳаво сард мешавад!

Тоҷикистон

Сайид Шамс ба Тоҷикистон истирдод шуд

Тоҷикистон

Афзоиши сатҳи талоқ дар Тоҷикистон. Иллат чист?