24.9 C
Dushanbe

Дар Русия барои муҳоҷирони кирокаш маҳдудиятҳо ҷорӣ мекунанд?

Акс: vedomosti.ru

Чанде аз роҳбарони шаҳру вилоятҳои бузурги Русия дар охири моҳи октябр ба сарвазири ин кишвар пешниҳод кардаанд, ки танҳо ба шаҳрвандони Русия ва шаҳрвандони давлатҳои узви Иттиҳоди Авроосиё иҷозаи фаъолият дар таксиҳоро диҳанд ва дигар шаҳрвандонро аз ин кор боз доранд. Дар ин бора хабаргузории Ведомости иттилоъ медиҳад.

Бино ба навиштаи ин сомона шаҳрдори Маскав, Сергей Собянин, губернатори Санкт-Петербург, Александр Беглов ва раҳбарияти вилоёти Маскав ва Ленинград, Александр Воробев ва Александр Дрозденко аз сарвазири Русия, Михаил Мишустин дархост  кардаанд, ки қонун дар бораи мусофиркашонӣ дар ҳудуди Русия таҷдиди назар бишавад.

Кобинаи вазирони Русия дар ҷавоби масъулони баландпояи ин кишвар гуфта, ки пешниҳоди шумо дар баррасӣ қарор дорад.

Ин дар ҳолест, ки қонунгузории амалкунандаи Русия истифодаи худкориро дар кори мусофиркашонӣ бидуни соҳибкорони инфиродӣ иҷозат намедиҳад.

Дар тарҳи қонун меъёре илова шудааст, ки ба ронандагоне, ки режими махсуси андозбандии “Андоз аз даромади касбӣ” -ро интихоб кардаанд, иҷозати кор медиҳад.

Ин тағйирот ба ҳиссаи бештари ронандагони таксӣ аз ҳисоби муҳоҷирон рабт дорад, ки гуфта мешавад, бозори меҳнати шаҳрвандони Русияро танг карда 50 дарсади кори мусофиркашониро онҳо ташкил медиҳанд.

Дар муроҷиатнома омадааст, ки танҳо дар ҳамин чаҳор манотиқи кишвар 178 ҳазор таксӣ фаъол аст, ки 45% аз маҷмӯи таксиҳо дар саросари Русияро ташкил медиҳад.

Аз руйи бархе маълумотҳо дар назар аст, ки фаъолияти худкор ё таксиронӣ танҳо ба шаҳрвандони кишварҳои узви Иттиҳоди Авроосиё – Қазоқистон, Қирғизистон, Белорус ва Арманистон дода шавад.

Тоҷикистон, ки то ба имрӯз ба узвияти ин Иттиҳод шомил нагардидааст, дар сурати қабули қонун, шаҳвадони Тоҷикистон аз фаъолияти таксиронӣ маҳрум мегарданд, ки боз як мушкилии дигар бар болои мушкилиҳои ҷойдоштаи муҳоҷирон зам мегардад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сомон Маҳмадбеков қаҳрамони Бозиҳои Осиё

Варзишкори хушноми тоҷик Сомон Маҳмадбеков дар Чин қаҳрамони Бозиҳои тобистонаи осиёӣ шуд.

Боздошти писари ректори Донишгоҳи славянӣ

Пулиси шаҳри Душанбе Файзулло Комёб Машраби 18-cола ва Аҳтамзода Оятулло Хушбахти 19-cоларо боздошт кардааст. 

Сафари Эрдуғон ба Нахҷавон

Пас аз тасарруфи минтақаи Қарабоғи Кӯҳӣ Раҷаб Тайиб Эрдуғон нахустин раисҷумҳурест, ки бо сафари расмӣ вориди Озарбойҷон шудааст.

Кӯчаҳои пур аз партови шаҳри Хуҷанд

Сокинони шаҳри Хуҷанд аз бемасъулиятии масъулон дар робита ба тозакорӣ ва таъмири вайронаҳои ин шаҳр шикоят доранд.