18.9 C
Dushanbe

Бар асари боришоти зиёд дар Тоҷикистон даҳҳо ҳавлӣ зери обу лой монд

Бар асари боришоти сахти шаби 5-ум ба 6-уми май оби рудхонаҳо дар шаҳри Турсунзода боло рафта 75 замини наздиҳавлигии сокинон зери обу лой мондааст.

Обхезӣ дар Фархор, моҳи июни соли 2018 (Акс: Asia-Plus)

Тавре Кумитаи ҳолатҳои фавқулоддаи ва мудофеаи граждании назди Ҳукумати Тоҷикистон хабар медиҳад, бар асари ин ҳодисаи шаби гузашта хушбахтона талафоти ҷоние ба қайд гирифта нашудааст.

Гуфта мешавад, боришҳои зиёди баҳорӣ дар зери об мондани 237 хонавода дар деҳаи Файзбахши ҷамоати деҳоти 10-солагии Итиқлоли шаҳри Турсунзодаро таҳдид мекунад.

Ба иттилои Хадамоти зидди жолаи Кумитаи ҳолатҳои фавқулоддаи Тоҷикистон барои дур сохтани хатари жолаи сахт ба осмон 128 мушаки “Аллазан” партоб шудааст, ки бо ин кор хатари резиши жоларо дар қаламрави шаҳрҳои Турсунзода, Ҳисор ва ноҳияи Хуросони вилояти Хатлон бартараф намудаанд.

Инчунин дар хабар омада, ки боришоти 6-уми май 29 қитъаи замини наздиҳавлигӣ ва 450 метр роҳи байни деҳавӣ дар ноҳияи Рӯдакӣ зери обу лой монда, ҳамзамон дар вилояти Суғду шаҳри Ваҳдат низ заминҳо ва роҳҳои мошингард хароб шудаанд.

Агентии ҳавошиносии Тоҷикистон мегӯяд, боришоти зиёд ва боду ҳавои номусоид то охири ҳафта дар қаламрави кишвар боқӣ мемонад.

Дар ҳамин ҳол Кумитаи ҳолатҳои фавқулоддаи кишвар аз сокинон ва меҳмонон хостааст, ки дар ин рӯзҳо дар соҳили дарёҳо сайру гашт накунанд ва инчунин аз сафар бо роҳҳои кӯҳӣ ва минтақаҳои сайёҳӣ худдорӣ кунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кишварҳои аврупоӣ давлати Фаластинро ба расмият шинохтанд

Рӯзи чоршанбе, 22-уми майи соли ҷорӣ кишварҳои Ирландия, Испания ва Норвегия аз тасмими худ дар бораи ба расмият шинохтани давлати Фаластин хабар доданд.

Сафари Раҳмон ба Теҳрон

Субҳи имрӯз Президенти Тоҷикистон дар раъси як ҳайати расмӣ вориди Теҳрон, пойтахти Эрон шуд.

Сомон Маҳмадбеков барандаи медали биринҷӣ гашт

Сомон Маҳмадбеков, варзишкори шинохтаи тоҷик медали қаҳрамонии ҷаҳонро ба Тоҷикистон овард.

Чин дар истихроҷи ангишт ва газ ба Тоҷикистон кумак мекунад

Мақомоти Тоҷикистон бо мақомоти Чин рӯзи 21-уми майи соли ҷорӣ дар робита ба сармуоягузории ин кишвар дар истихроҷи ангишт ва газ созишнома ба имзо расониданд.