27.9 C
Dushanbe

Дар Тоҷикистон ширкати нави мобилӣ фаъолиятро оғоз мекунад

Дар Тоҷикистон як ширкати мобилӣ бо номи “О Mobile” ба фаъолият оғоз мекунад. Гуфта мешавад, ин ширкат 4 таърифа – “Офарин”, “Ошиқӣ”, “Оила” ва “Ориён” пешниҳоди мардум намуда, рӯзҳои наздик ба фаъолият оғоз хоҳад кард.

Намояндагони ин ширкат ба “Sputnik” Тоҷикистон  гуфтаанд:  ҳоло ба таври озмоишӣ корро ба роҳ мондаанд ва қарор аст, охири моҳи равон расман ба фаъолияти худ оғоз кунанд.

Намояндаи ширкат гуфтааст: “Ба ин манзур, танҳо Маркази хидматрасонии худро дар шаҳри душанбе боз намудем ва аввалин шумораҳоро манзури муштариён мекунем”.

Тибқи варақае, ки тарофаи “Офарин” муаррифӣ мешавад, он аз чор баста иборат аст – “Офарин – 15”, “Офарин – 5”, “Офарин – 7.5” ва “Офарин – 10” иборат аст. Тибқи он, бастаҳо аз 5 то 15 сомонӣ арзиш дошта, аз 7 то 30 рӯз мӯҳлат доранд.

Намояндагони Хадамоти зиддиинҳисории назди ҳукумати Тоҷикистон гуфтаанд, пас аз расман ба фаъолият шурӯъ кардани ширкат таруфаҳои онро мавриди омӯзиш қарор хоҳанд дод.

Вале дар мавриди ин ширкати нав ба кӣ тааллуқ дорад, чизе гуфта нашудааст, танҳо аз мудири кулли он Шараф Маҳмудов ном бурда шуда, ки дар гузашта корманди ширкати “Тисел” будааст. Гуфтугузорҳое буданд, ки ин ширкати мобилии нав ба ширкати «Tcell» вобастааст, вале намояндагони он гуфтаанд, ба “Тисел” ҳеҷ рабте надорад ва танҳо аз таҷҳизоти ин ширкат муваққатан ба таври иҷора истифода хоҳад кард.

Дафтари марказии “O Mobile” дар бинои дафтари марказии Хадамоти алоқаи Тоҷикистон ҷойгир асаст. Дар Тоҷикистони «O Mobile» пас аз “Тисел”, “Мегафон”, “Z – мобайл” ва “Вавилон – Т” панҷумин ширкати мобилии  хоҳад буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҳузури 8 ҳазор зодаи Тоҷикистон дар ҷанги Русия бар зидди Украина

Беш аз 8 ҳазор зодаи Тоҷикистон дар сафи артиши Русия қарор гирифта, бар зидди Украина меҷанганд.

Аввалин мулоқоти расмии вазирони хориҷии Тоҷикистону Қирғизистон пас аз ҳалли мушкилоти марзӣ

Вазир корҳои хориҷии Тоҷикистон Сироҷиддин Муҳриддин бо ҳамтои қирғизии худ дар шаҳри Бишкек мулоқот кард.

Қатъи нерӯи барқ дар Тоҷикистон дар рӯзҳои гарми тобистон

Дар ин тобистони гармӣ сокинон аз гӯшаву канори кишвар аз маҳдудияти барқ дар кишвар шикоят доранд.

Дар Русия ҳафт навъи пардохти давлатии иловагӣ барои муҳоҷирон ҷорӣ мешавад

Вазорати молияи Русия лоиҳаи қонунеро таҳия кардааст, ки бо қабули он кисаи бе ин ҳам холии муҳоҷирон дар ин кишвар холитар мешавад.