32.9 C
Dushanbe

Дар вилояти Хатлон 19 ҳазор нафарро ба ҷои кор таъмин кардаанд, аммо кордоштаҳо маошашонро гирифта наметавонанд

Дар вилояти Хатлон дар зарфи нуҳ моҳи соли ҷорӣ 19 ҳазору 386 нафар сокини вилоят бо ҷойи кори доимӣ, муваққатӣ ва мавсимӣ таъмин карда шудаанд, ки  бахши зиёди онҳоро занон ташкил медодаанд.

Баҳодур Азиззода муовини сардори Раёсати агентии меҳнат ва шуғли аҳолӣ дар вилояти Хатлон ба Фараж гуфтааст:

“дар нуҳ моҳи соли ҷорӣ ба Раёсат ва шуъбаву бахшҳои он дар шаҳру ноҳияҳо 31 ҳазору 699 нафар шахси бекор муроҷиат карда, аз ин 27 ҳазору 475 нафар ба қайд гирифта шуданд, ки ин нисбат ба ҳамин давраи соли гузашта 1 ҳазору 643 нафар зиёд мебошад”.

Азиззода дар идома гуфтааст, аз шумораи шахсони ба қайдгирифташуда 19 ҳазору 386 нафар бо ҷойи кори доимӣ, муваққатӣ ва мавсимӣ таъмин карда шудаанд. Ба гуфтаи Азиззода аз байни афроди ба қайдгирифташуда 12 ҳазору 889 нафарро занон ташкил медиҳанд.

Азиззода мегӯяд, ки дар ин давра ба 2771 нафар бекори дар қайди мақомоти Агентӣ буда кумакпулӣ таъйин карда шуда ва ба 4039 нафар кумакпулӣ ба маблағи 1,3 миллион сомонӣ дода шудаст, шумораи нафароне, ки кумакпулӣ гирифтаанд 173 нафар шахсони аз кор озодшуда, 784 нафар шахсони аз маҳбас озодшуда, 3 ҳазору 82 нафарашон ҷавононе, ки аз сафи Қувваҳои муссалаҳи кишвар баргашта будаанд.

Ин ин омор дар ҳолест, ки чанде қабл сокинони вилояти Хатлон шикоят доштанд, ки дар баробари дар руйхати камбизоатон қарор доштанашон наметавонанд, кумакпулиҳоро дастрас кунанд.

Дар баробари ин табибон, омӯзгорон ва дигар кормандони мақомоти давлатӣ  дар вилояти Хатлон ва шаҳри Кулоб наметавонанд, ки чанд моҳа маошҳояшонро дастрас кунанд.

Ҳамчунин рӯзи 6 июни соли равон Зафар Абдуллоеви 62 сола аз сабаби гирифта натвонистани маблағҳояш аз шуъбаи молияи Кулоб худро дар аввал корд зада пасон оташ зада буд, ки дар натиҷа даргузашт.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.

Эълони ҳукми зиндони сарбозоне, ки наваскаронро латтукӯб карданд

Чанд сарбозе, ки дар як навор навсакаронро бераҳмона латтукӯб мекарданд, ҳамаи онҳо равонаи зиндон шуданд.

Сафорат боздошти муҳоҷирон дар Митиноро шарҳ дод

Сафорати Тоҷикистон дар Маскав рӯзи 30-уми майи соли ҷорӣ пас аз боздошти беш аз 150 муҳоҷири корӣ, ки дар расонаҳои дохилӣ ва хориҷӣ бозтоби густарда ёфт, шарҳ дод.