25.9 C
Dushanbe

Дар вилояти Суғд беш аз ҳазор нафарро ҷарима бастанд. Барои чӣ?

Мақомот дар вилояти Суғд 1277 нафарро ба хотири риоя накардани қоидаҳои беҳдоштӣ дар маҷмӯъ беш аз 175 ҳазор сомонӣ ҷарима бастанд. Аз ин шумора 86 нафар ронандагони худравҳои мусофиркашонӣ, 335 нафар кормандони ошхонаву тарабхонаҳо ва 865 нафарашонро шахсони воқеӣ ташкил медиҳанд.

Фурқат Шарифов ҳуқуқшиноси Маркази назорати давлатии санитарию эпидемиологии вилояти Суғд ба “Азия-плюс” гуфтааст:

“Аз тарафаи кормандони Маркази назорати давлатии санитарию эпидемиологии вилояти Суғд дар ҳудуди шаҳру ноҳияҳои вилоят, барои риоя накардани қоидаи муқовимат бо ҳамагирии коронавирус ва дигар бемориҳои сироятӣ, яъне бе ниқоб гаштугузор намудани шаҳрвадон дар ҷойҳои ҷамъиятӣ, дар маҷмӯъ нисбат ба 1277 нафар бо қисми 1 моддаи 113-и Кодекси ҳуқуқвайронкунии маъмурии Ҷумҳурии Тоҷикистон парвандаҳои ҳуқуқвайронкунӣ оғоз шудааст”.

Ҳамчунин дар идома зикр кардааст, ки ин парвандаҳо аз тарафи мутахассисони Маркази назорати давлатии санитарию эпидемиологии шаҳру ноҳияҳои вилоят баррасӣ гардида, нисбати шаҳрвадон ба маблағи умумии 175 ҳазору 642 сомонӣ ҷарима таъйин шудааст. Аз ин миқдор то имрӯз ҳамагӣ 148 ҳазору 219 сомонӣ ситонида шуда, 27 ҳазору 419 сомонии дигар то ҳол пардохт нашудааст.

Гуфта мешавад, 349 ҳолат аз тарафи кормандони прокуратураи шаҳру навоҳии вилоят дар якҷоягӣ бо Маркази назорати давлатии санитарию эпидемиологӣ, 772 ҳолат аз ҷониби ШВКД ҶТ дар шаҳри Хуҷанд, 18 ҳолат аз ҷониби Шӯъбаи минтақавии мубориза алайҳи ҷиноятҳои муташаккили ВКД ҶТ дар вилоят ва 138 ҳолат аз тарафаи кормандони Маркази назорати давлатии санитарию эпидемиологии шаҳру навоҳии вилояти Суғд ошкор карда шуд.

Аз 4-уми июли соли 2020, баъди ба имзо расидани тағйирот ба Кодекси ҳуқуқвайронкунии маъмурӣ сокинонро барои набастани ниқоб дар ҷойҳои муайянкардаи қонун аз 116 то 290 сомонӣ ҷарима мебанданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.

Русия мехоҳад бештар хориҷиёнро ба ҷанги зидди Украина барад

Дар наздиктарин фурсат дар Русия қонуни наве қабул мешавад,...

Оё низоми таҳсили 12-сола метавонад сифати таҳсилро беҳтар кунад?

Вазорати маориф ва илми Ҷумҳурии Тоҷикистон масъалаи гузариш ба низоми таҳсили 12-соларо ҷорӣ карданӣ аст.

Чаро кишварҳои ҳамсоя афғонҳоро ихроҷ мекунанд?

Ба иттилои мақомоти Толибон, Эрон зарфи як моҳ беш аз 500 ҳазор муҳоҷири афғонистониро ихроҷ кардааст.