Дар шаҳри Майманаи вилояти Фориёби Афғонистон мардум ва ҳаводорони Махдум Олим, яке аз фармондеҳони узбектабори ин шаҳр бар зидди Толибон қиём карданд.
Нақибулло Фоиқ, волии пешини Фориёб ба “Афғонистон интернешнал” гуфтааст, ки тамоми шаҳр дар контроли узбектаборон даромада ва Толибони паштун халъи салоҳ шудаанд.
Ин даргирӣ баъд аз боздошти Махдум Олим дар шаҳри Мазори Шарифи Афғонистон рух додааст. Махдум Олим худ яке аз фармондеҳони машҳури узбектабори Толибон аст, ки боздошташ эътирози узбектаборонро дар пай дошт ва мунҷар ба шӯриши онҳо дар шаҳри Маймана гардидааст.
جریان محاصره و خلع سلاح طالبان غیر بومی، توسط ساکنان فاریاب.#فاریاب #میمنه #طالبان#ازبیک#پشتون pic.twitter.com/kZI5pYugbF
— Afghanistan Resistance Panjshir valley 💚🇦🇫 (@afganistan6867) January 13, 2022
Дар наворҳе, ки дар шабакаҳои иҷтимоӣ нашр шудааст, дида мешавад, ки мардуми маҳал бо забони узбекӣ суҳбат мекунанд ва идао доранд, ки шаҳр дар ихтиёри онҳост ва парчами Толибон низ поин оварда шуда, дар ивазаш парчами Афғонистон бардошта шудааст.
ایستادگی طالبان اوزبیک در فاریاب
تصاویری از میمنه در واکنش به گرفتاری مخدوم عالم، مهمترین فرمانده اوزبیک تبار طالبان pic.twitter.com/Erl7H5IUSe— افغانستان اینترنشنال – خبر فوری (@AFIntlBrk) January 13, 2022
Дар 5 моҳи ахире, ки Толибон дар Афғонистон қудратро дар даст доранд, ин аввалин шӯриши мардумӣ дар яке аз шаҳрҳои Афғонистон дар баробари Толибон мебошад, ки муваффақ ба тасфияи шаҳр аз Толибон гаштаанд.
Дар ҳамин ҳол Амруллоҳ Солеҳ, собиқ муовини раисҷумҳури Афғонистон эътирози мардум дар Форёб алайҳи Толибонро табрик гуфт ва барои мардуми ин вилоят орзуи муваффақият кард.
