-4.6 C
Dushanbe

Додгоҳи Австрия: Шовализода ғайриқонунӣ ба Тоҷикистон истирдод шудааст

Истирдоди паноҳҷӯ Ҳизбуллоҳ Шовализодаро аз Вена ба Тоҷикистон Додгоҳи федеролии Австрия “ғайриқонунӣ” хонда, ҳукм содир намуд, ки ҳаққи вуруди ӯ ба ин кишвари аврупоӣ барқарор карда шавад.

Ҳизбуллоҳ Шовализода, ҷавони 29-солаи тоҷике, ки 4-уми марти имсол хабари истирдод шуданаш аз Вена ба Тоҷикистон расонаӣ шуда буд ва ниҳоятан 12-уми июн ба бист соли зиндон маҳкум гардид.

Бино бар гузориши Радиои Озодӣ тибқи қарори додгоҳи Австрия, ки рӯзи 7-уми июл содир шуд, рад шудани дархости паноҳандагӣ ва иҷозаи истирдоди Шовализода бо қонуншиканиҳо сурат гирифтааст.

Аз ҷумла, ба ӯ ҳақ ва муҳлати хуруҷи ихтиёрӣ дода нашуда, ҳангоми истирдод ба маълумоти куҳна роҷеъ ба вазъи Тоҷикистон такя шудааст.

Вакили мудофеи Шовализода Грегор Кламмерин ба Додгоҳи Вена гуфта, ки дар Тоҷикистон адолати судӣ вуҷуд надорад ва мунтақидони ҳукумат пайваста мавриди таъқибу фишор қарор мегиранд инчунин шиканҷа ва фасод дар ниҳодҳои ҳифзи ҳуқуқ густариш пайдо кардаст. Бо ин далоил Додгоҳ  истирдоди Шовализодаро ба Тоҷикистон ғайриқонунӣ хонд. Ҳамзамон Додгоҳ Тоҷикистонро ба он гунакор донист, ки Шовализодаро бо ғаразҳои сиёсӣ дар пайгарди Интерпол қарор додааст.

Грегор Кламмерин рӯзи 9-уми июл дар суҳбат бо Радиои Озодӣ ҳукми Додгоҳи федероли Австрияро тасдиқ карда ва гуфтааст, “дар қарор ҳукумати Австрия вазифадор шудааст, ки бозгашти Шовализодаро таъмин кунад.”

Вай ба суоли он ки Ҳизбуллоҳ Шовализода дар Тоҷикистон ба бист соли зиндон маҳкум шудааст ва бозгашташ то куҷо имконпазир ҳаст, чунин посух дод: “Ҳоло идораи мо бо тамоми муассисаҳо тамос мегирад ва аз онҳо тақозо мекунад, ки фишор оваранд ва ё ҳадди ақал ин масъаларо матраҳ кунанд. Мо бо раиси ҷумҳур ва ҳукумати Австрия, ҳукумати Олмон, аз ҷумла садри аъзами он кишвар ин масъаларо матраҳ мекунем, чун Олмон низ ба қазияе, ки рух дод, масъул аст.”, омадааст дар хабари Озодӣ.

Шовализодаи 29-сола қаблан ба мақомоти Австрия барои гирифтани ҳаққи паноҳандагӣ муроҷиат карда буд, вале дархосташ рад шуд. Вай пеш аз истирдод ба Тоҷикистон ду моҳро дар боздоштгоҳе дар Вена гузаронд.

Моҳи март Додситонии кулли Тоҷикистон расман Шовализодаро ба узвият дар ҲНИТ ва “хиёнат ба давлат” муттаҳам кард ва барои 20 сол равонаи зиндон намуд. Аммо намояндагони ҲНИТ узвияти ӯро дар ин ҳизб рад мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.