Ҷаҳон

Ҳукми боздошти Путин содир шуд

Имрӯз, 17-уми марти соли 2023 Додгоҳи Байналмилалии Ҷиноӣ ҳукми боздошти ду нафарро дар робита ба вазъияти Украина содир кард.

Петра Хофмански, қозии Додгоҳи Байналмилалии Ҷиноӣ ("ICC") дар баёнияи видеоӣ аз содир шудани ҳукми боздошти Влидимир Путин кишвардори Русия ва Мария Алексеевна Лвова- Белова, Ваколатдор ҳуқуқи кӯдакон дар назди Дастгоҳи Президенти ин кишвар, хабар дод.

Додгоҳи Байналмилалии Ҷиноӣ Влидимир Путинро  (тибқи моддаҳои 8(2)(а)(vii) ва 8(2)(b)(viii) Статути Рим) ба ҷинояти ҷангӣ ва бадарғаи ғайриқонунии кӯдакони украинӣ ва интиқоли ғайриқонунии кӯдакон аз манотиқи ишғолии Украин ба Русия муттаҳам кардааст.

Мария Алексеевна Лвова-Белова, Ваколатдор ҳуқуқи кӯдакон дар назди Дастгоҳи Президенти Федератсияи Русия, ҳамчунин бо модаҳои мушобеҳ ба айбномаи Путин барои ҷинояти ҷангии табъид ё бадарғаи  ғайриқонунии аҳолӣ (кӯдакон) ва интиқоли ғайриқонунии сокинони манотиқи ишғолии Украина ба Русия гунаҳкор дониста мешавад.

Додгоҳи дар асоси шикояти додситонӣ аз 22-уми феврали соли 2023 мутҳамонро дар содир кардани ҷинояти ҷангӣ (табъид ё бадарғаи  ғайриқонунии аҳолӣ ва интиқоли ғайриқонунии сокинони манотиқи ишғолии Украин ба Русия) гунаҳгор дониста, мегӯяд, мувофиқи далоили мавҷуда, онҳо ҷавобгаранд.

Гуфта мешавад, ҳукми содиршуда бо мақсади ҳифзи ҷабрдидагон ва шоҳидон, инчунин сирри тафтишотӣ махфӣ мебошанд.

Додгоҳ бар ин назар аст, ки ҷиноятиҳои ҷангӣ ҳанӯз идома доранд ва нашри ҳукми боздошти Путин боиси пешгирӣ аз ҷинояти бештари онҳо ва ҳифзи ҷони қурбониёни ҷангӣ ва кӯдакон мегардад.

Ҳукми боздошти ин ду муттаҳам зикргардида дар асоси шикояти додситонӣ аз 22-уми феврали соли 2023 содир гаштааст.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Ҷаҳон

Россия

Белорус гуфт, маҷбур аст силоҳи ҳастаии Русияро дар хокаш роҳ диҳад

Тоҷикистон

ИНТЕРПОЛ дар Душанбе ҷаласа мегузаронад

#ДИИШ

Кушта шудани як тоҷикистонӣ дар Афғонистон

Дин

Ифтор дар варзишгоҳи Челси