17.9 C
Dushanbe

Додрас бо иттиҳоми ришва дастгир шуд

Акс аз: sobitie.com.ua

Додраси додгоҳи ноҳия Ҳисор бо иттиҳоми гирифтани пора боздошт шудааст. Дар ин бора Маркази матбуоти Агентии мубориза бо фасоди Тоҷикистон хабар дод.

Дар хабар омада, ки Собирзода Зайдулло Фозил додраси додгоҳи Ҳисор ҳамчун шахси мансабдор аз шаҳрванд “А” барои нисбаташ таъин намудани ҷазои сабуктар маблағи 30000 сомонӣ пора талаб намуда аст. қисме аз ин маблағро дар 12 апрели соли 2020 ба миқдори 10000 сомонӣ гирифта, боқимондаи онро талаб намудааст.14 апрели соли 2020 дар натиҷаи гузаронидани чорабиниҳои оперативӣ–тафтишотӣ Собирзода З.Ф. баъди аз шаҳрванд “А” гирифтани маблағи 20000 сомонии боқимонда дастгир гардида, маблағи мазкур аз ӯ ҳамчун далели шайъӣ дарёфт ва гирифта шуд.

Вобаста ба ҳолати мазкур нисбати Собирзода З.Ф.  бо моддаи 319 қисми 3 Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад. Зайдулло Собирзода бо фармони президент Эмомалӣ Раҳмон аз 8 июн «бинобар содир намудани кирдоре, ки шаъну эътибори судяро паст мезанад» аз вазифаи судяи суди шаҳри Ҳисор барканор карда шуд.

Ин ҳам дар ҳолест, ки ӯ ба ин вазифа дар моҳи феврали ҳамин сол таъйин шуда буд. Қаблан бо фармони президент, раиси суди ноҳияи Айнӣ Шараф Турсунзода ҳам, ки ба гирифтани 15 ҳазор сомонӣ пора айбдор мешавад, аз мақом барканор гардида буд. Низоми додгоҳӣ дар Тоҷикистон яке аз фасодзадатарин соҳаҳои давлатӣ дониста мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Идомаи “рейд”-и муҳоҷирон дар Русия

Ҳафтаи дуюм аст, ки дар шаҳру ноҳияҳои Федератсияи Русия...

Боздошти собиқ раиси Тоҷик-Эйр

Мақомоти Тоҷикистон собиқ раиси Фурӯдгоҳи байналмилалии шаҳри Душанбе ва ширкати ҳавопаймойи "Тоҷик-Эйр"-ро боздошт кардаанд.

Сиёсати ҷанг ё идораи об?

Дар натиҷаи набардҳои ба вуҷуд омада дар минтақаҳои ҳаммарзи Афғонистон ва Эрон дасти кам се нафар кушта ва даҳҳо каси дигар аз ду тараф ҷароҳат бардоштанд.

Аз истирдоди як тоҷик ба Душанбе пешгирӣ шуд

28-уми майи соли ҷорӣ аз истирдоди паноҳҷӯи тоҷик Сорбон Абдураҳимзодаи 30-сола аз Варшава ба Душанбе пешгирӣ шуд.