35.9 C
Dushanbe

Донишмандон дубора ба коронавирус гирифтор шудани одамонро аз эҳтимол дур намедонанд

Анатолий Алтштейн вирусшинос, профессори Маркази илмии эпидемиология ва микробиологияи Гамалея омилҳои дубора ба коронавирус сироят ёфтанро баён кардааст.

Ба гуфтаи ин профессор имкони дубора ба кjронавирус сироят ёфтани одамон вуҷуд дорад, вале бори дуввум ин беморӣ ба шахсони якбор гирифторшуда камтар воқеъ мешавад.

Анатолий Алтштейн дар суҳбат ба “Радиои Спутник” гуфтааст:

“Шахсе, ки аз коронавирус ранҷ кашидааст, бояд тамоми чораҳои эҳтиётиро ба мисли як одами солими беморнашуда риоя кунад. Ҳатто чунин сирояти такрорӣ метавонад, ҳарчанд кам, вале шадидтар аз аввалӣ бошад”.

Ин вирусшинос дар идома қайд кардааст, ки муҳофизати асосӣ аз коронавирус масунияти табии инсон аст.

“Вобаста аз он, ки вокуниши иммунӣ ҳангоми беморӣ чӣ гуна буд, эҳтимолияти сирояти такрориро тахмин кардан мумкин аст. Агар ҳангоми сирояти аввал иммунаи бадан паст буд, пас шахс метавонад дубора бемор шавад”, – гуфтааст Анатолий Алтштейн.

Чанде пеш “Sputnik”, навишта буд, ки Маркази тиббии Маунт Синайи иёлати Ню-Йорки ИМА  дар як тадқиқот муайян карда буданд, ки антителаҳои COVID-19 дар бадани одами сиҳатшуда то панҷ моҳ боқӣ мондаанд.

Ҳамчунин мутахасcиcон муайян кардаанд, ки бемории COVID-19 барои кӯдакон хатарзо буда ба бенаслӣ бурда мерасонад.

То ба имрӯз аз ҷониби Созмони ҷаҳонии беҳдошт ягон воксинаи зидди коронавирус тасдиқ нагардидааст, вале бархе кишварҳо эълон карда буданд, ки ба сохти воксина муваффақ шудаанд.

Дар Тоҷикистон то ҳол ҳеҷ навъи воксинро истифода накардаанд, ин дар ҳолест, ки хабаргузориҳо навиштаанд, ки дар Узбекситон зиёда аз 5 ҳазор нафарро воксинаи сохти Чинӣ гузаронидаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд.