Бахшида ба ёдбуди асосгузори гӯштини самбо дар ҷаҳон Анатолий Харлампиев дар шаҳри Маскави Русия мусобиқаи Ҷоми ҷаҳон дар намуди самбо баргузор гардид. Дар рӯзи аввали ин мусобиқа 2 варзишгари тоҷик сазовори медал шуданд.
Бино ба иттилои Федератсияи варзиши самбои Тоҷикистон дар ин мусобиқа паҳлавони ҷавони тоҷик Хушқадам Хусравов маротибаи дуюм барандаи Ҷоми ҷаҳонии Анатолий Харлампиев гардид.
Хушқадам Хусравов дар вазни 64-кг ҳамаи ҳарифонашро мағлуб карда, барои медали тиллоӣ мусобиқа бо намояндаи Ҷумҳурии Узбекистон Ҳомидҷон Муминов рақобат намуда, сазовори ҷойи аввал гардид.
Намояндаи дигари Тоҷикистон Ҷамшед Сафаров дар вазни 71-кг самбои размӣ сазовори ҷои сеюм шуд. Медали тиллои ин категорияи вазниро Стефан Кобенов аз Русия сазовор шуд.
Ҷоми ҷаҳон оид ба самбо ба хотираи Харлампиев 25 март дар шаҳри Маскави Русия оғоз шуда, 26 март (имрӯз) ба анҷом мерасад.
