28.9 C
Dushanbe

Боздошти муҳосиби мактаб бо иттиҳоми дуздии наздики 1 млн сомонӣ

Ожонсии зидди фасоди Тоҷикистон аз боздошти муҳосиби мактаби таҳсилоти миёнаи умумии №2-и шаҳри Кӯллоб хабар дод, ки ӯ дар дуздии наздики 1 млн сомонии буҷаи давлатӣ айбдор мешавад.

Ожонсӣ зидди фасоди молиявии Тоҷикистон иттилоъ медиҳад, ки “Холиқов Абдуҷабор Абдухолиқович дар вазифаи муҳосиби Муассисаи таҳсилоти миёнаи умумии №2-и шаҳри Кӯлоб кор карда, дар давраи фаъолияти кориаш бо истифодаи ваколати мансабӣ ва сохтакории хизматӣ дар ҳуҷҷатҳои муҳосибии музди меҳнати кормандон маълумотҳои таҳрифшударо ворид намуда, бо ин амалаш маблағи умумии 892 947,05 сомониро тасарруф намуда, ба манфиати шахсиаш сарф кардааст.”

Ба гуфтаи манбаъ, нисбати боздоштшуда бо моддаҳои 245 қисми 4 банди “б” ва 323 Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, баъд аз анҷоми тафтиши пешакӣ он ба додгоҳ ирсол шуд.

Он моддаҳои КҶТ, ки Холиқов бо онҳо гунаҳкор дониста мешавад, маҳрум сохтан аз озодиро ба муҳлати аз даҳ то понздаҳ сол пешбинӣ мекунанд.

Аммо назари худи гумонбар ва ё наздикони ӯ дар мавриди иттиҳоми эълоншуда дастраси расонаҳо нест.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.