Хабару гузоришҳои ахир аз Тоҷикистон ва Қирғизистон гувоҳи онанд, ки тарафҳо ҳанӯз ҳам ба ин қаноат нарасидаанд, ки ҷангро хотима диҳанд.
Асри рӯзи 16-уми сентябри соли 2022 мақомоти Тоҷикистону Қирғизистон дар гузаргоҳи “Равод”- Ӯзбекистон сари мизи музокирот нишаста, оташбас эълон карданд, аммо ба назар мерасад ин кор ҳанӯз поёни ҷанг нест, балки оғози омодагиҳои ҷадид барои набардҳои оянда аст.
Аз як сӯ, сарони Баргузории таҷаммуъҳои эътирозӣ аз ҷониби иддае аз сокинони ин кишвар дар маркази вилояти Боткен ва шаҳри Бишкек масъулони онро водор карда, ки замони оғози музокиротро ба таъхир гузоранд. Инчунин яке дигар аз иллатҳои аз нав оғоз гардидани низоъҳои мусаллаҳона дар марзҳои муштарак низ ба эҳтимол, фишор ва таъну маломати сокинони кишвари ҳамсоя будааст. Бо ин вуҷуд, хабару гузоришҳои ахир дар бораи шиддат гирифтани даргириҳо ва афзоиш ёфтани тирборон дар ҳудуди марзҳо гувоҳи он аст, ки оташбаси эълоншуда, на барои поёни ҷанг сурат гирифтааст, балки ба хотири оғози омодагиҳо ва таҳкими қувваҳои мусаллаҳ будааст. Амруллоҳи Низом, махсус барои Аздо тв
