11.9 C
Dushanbe

Эмомалӣ Раҳмон ба раҳбарони Ҷопону Чин барқияи тасаллият ирсол кард

Расиҷумҳури Тоҷикистон Эмомалӣ Раҳмон ба сарвазири Япония Синдзё Абэ ва раисҷумҳури Чин Си Ҷин Пин барқияи тасаллият ирсол намудааст. Эмомалӣ дар паёмаш ба раҳбарони Ҷопон ва Чин вобаста ба вуқӯъ омадани офатҳои табиӣ дар марзҳои ин ду кишвар ва талафоти ҷонии он изҳори ҳамдардӣ кардааст.

Дар паёми Эмомалӣ Раҳмон ба раисҷумҳури Чин омадааст:

“Хабари фоҷеабори сар задани обхезиҳои шадид дар натиҷаи он ба ҳалокат расидани мардум ва ба вуқӯъ пайвастани харобиҳои зиёд дар як қатор ноҳияҳои ҷанубии Ҷумҳурии Мардумии Чин боиси андуҳи амиқи ин ҷониб гардид. Ҳамдардии самимии худро ба пайвандон ва наздикони қурбониёни ин офати табиӣ изҳор дошта, барои ҳамаи осебдидагон шифои комил хоҳонам.”

Ин паёми Раисҷумҳур дар ҳолест, ки тақрибан моҳе қабл дар Тоҷикистон, аниқтараш шаби 14 ва 15-уми май дар чанд деҳаи ноҳияи Хуросон бо сар задани обхезиҳои шадиди сел даҳҳо хона пурраву баъзеи дигар қисман хароб шуданд. Ба киштзорҳои сокинони ноҳия ва роҳҳо низ зарари калон расонд ва боиси марги ду нафар шуд. Дар маҷмӯъ зарари расида аз ин офати табиӣ ба ин минтақаи кишвар ҳудуди 7 миллион сомониро ба ташкил дод.

Ин дар ҳолест, ки мухолифони ҳукумати Эмомалӣ Раҳмон пайваста аз ӯ интиқод мекунанд, ки боре ҳам ба мардуми кишвари худ ва баҳри зарардидагону қурбониёни сокинони Хуросон арзи тасаллият накардааст. Илова бар ин мақомоти интизомӣ бар зидди чанде аз эътирозгарони сокинони зарардидаи ноҳияи мазкур, ки барои ҷалби таваҷҷӯҳи мақомот ба мушкилоташон роҳро баста буданд, парванда боз кард. Мухолифон Президент Раҳмонро ба он муттаҳам мекунанд, ки ӯ дар дунёи дигар зиндагӣ мекунад на оне, ки шаҳрвандони Тоҷикистон дар воқеъ ба он гирифторанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Додгоҳи олӣ парвандаи чеҳраҳои маъруфро шарҳ дод

Додгоҳи олии Тоҷикистон 13-уми феврал зимни нишасти матбуотӣ, парвандаи чеҳраҳои сиёсиро одилона ном бурд ва онро шарҳ дод.

Ҳимоят аз Радиои Озодӣ баъди изҳороти нигаронкунандаи Илон Маск

Ҷунбиши ислоҳот ва рушди Тоҷикистон бо интишори изҳороте дар сайҳфаи фейсбукии худ аз эҳтимоли баста шудани Радиои Озодӣ изҳори нигаронӣ кард.

Дар соли гузашта ниҳодҳои давлатӣ ба худи давлат ним миллирад зарар оварданд

Палатаи ҳисоби Тоҷикистон ошкор кард, ки шуморе аз вазорату идораҳои ҳукумаматӣ дар соли 2024 ба давлат зиёни молиявӣ бузург ворид карданд.

Боздошти муовини шаҳрдори Митиши дар доираи парвандаи модари ҳафт фарзанд

Кумитаи тафтишоти Русия дар вилояти Маскав аз боздошти муовини раиси шаҳри Митиши хабар дод.