30.9 C
Dushanbe

Эмомалӣ Раҳмон дар маросими савгандёдкунии Раисӣ ширкат намекунад

Эмомалӣ Раҳмон дар маросими савгандёдкунии президенти тозаинтихоби Эрон Иброҳим Раисӣ ширкат намекунад.

27-уми июл вазири корҳои хориҷии Тоҷикистон Сироҷиддин Муҳриддин дар конфронси хабарии ин вазорат гуфт, ки худи Эмомалӣ Раҳмон дар маросими таҳлифи ҳамтои эронияш Иброҳим Раисӣ, раисҷумҳури нави Эрон ширкат намекунад ва ба ҷои ӯ раиси Маҷлиси намояндагони Тоҷикистон ширкат хоҳад кард.

Гуфта мешавад, маросими савгандёдкунии Раисӣ 5-уми августи соли ҷорӣ баргузор мешавад. Вазири корҳои хориҷаи Тоҷикистон сабаби иштирок накардани Раҳмон дар ин маросими муҳимро ба сафари ӯ ба Ашқобод марбут донист.

Сироҷиддин Муҳриддин гуфт, ки сафари Эмомалӣ Раҳмон аз қабл ҳамоҳанг шуда буд ва давоми як соли ахир барои анҷом шудани ин сафар ва масоили марбути он бо ҷониби Туркманистон ройзаниҳо доштем.

Ин дарҳолест, ки Эмомали Раҳмон соли 2013 шахсан худаш дар маросими таҳлифи Ҳасан Руҳонӣ ба Теҳрон сафар карда буд.

Дар Эрон аз замони Ҳасани Руҳонӣ даъвати раҳбарони хориҷӣ барои ширкат дар маросими таҳлиф расм шуд ва пеш аз он аз раҳбарони хориҷӣ барои ширкат дар маросими савганёдкунии раисҷумҳури тозаинтихоб даъват намешуд.

Иброҳим Раисӣ моҳи июни соли ҷорӣ дар 13-умин даври интихоботи президентии Эрон бо касби 62, 17-оро раиси ҷумҳури ин кишвар интихоб шуд. Қарор аст маросими таҳлифи Раисӣ санаи 5-уми августи соли ҷорӣ баргузор шавад.

Иброҳим Раисӣ бидуни канор рафтан аз мансаби раиси Қувваи қазоия (Додситони кул) дар рақабатҳои интихоботӣ ширкат кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Баъд аз боздошту латтукӯби муҳоҷирон Лавров ба Тоҷикистон меравад

Сергей Лавров, вазири корҳои хориҷии Русия бо як сафари кории ду рӯза озими Тоҷикистон мешавад.

Додгоҳ эътироф кард, ки Розиқов бо шиканҷа кушта шудааст

Додгоҳи шаҳри Кӯлоб эътироф карда, ки Абдуқаҳҳор Розиқови 37-сола,...

Дар Қирғизистон аз як кӯдето пешгирӣ шудаст

Кумитаи давлатии амнияти миллии Қирғизистон 5-уми июн аз боздошти гурӯҳе хабар дод, ки ба гуфти ин ниҳод, қасди кудето кардан дар ин кишварро доштаанд.

Даргирӣ байни нерӯҳио Ҷабҳаи муқовимати миллии Афғонистон ва Толибон

Ҷабҳаи муқовимати миллии Афғонистон, ки раҳбарии онро Аҳмад Масъуд, фарзанди Аҳмадшоҳ Масъуд бар уҳда дорад, аз як ҳамлаи худ дар вилояти Тахори Афғонистон хабар дод.