32.9 C
Dushanbe

Эмомалӣ Раҳмон пирӯзии Лукашенкоро ба дастгирӣ ёфтан аз ҷониби мардумаш рабт дод

Акс аз rg.ru

Раисҷумҳури Тоҷикистон, Эмомалӣ Раҳмон 10 август ба Александр Лукашенко, президенти азнавинтихобшудаи Белорус барқияи шодбошӣ фиристод.

Раҳмон зимни ирсоли барқияаш Лукашенкоро ба пирӯзиаш дар интихоботи ин кишвар табрик намуда гуфтааст, ки сабаби дигарбора интихоб гардиданаш ба ҳайси президенти ин кишвар дастгирӣ ёфтани ӯ аз ҷониби мардум ва сиёсатҳои дурандешонааш оиди рушду таҳкими асосҳои соҳибихтиёрии давлати Белорус мебошад.

Эмомалӣ Раҳмон гуфтааст: “Ғолибияти Шумо дар интихоботи президентӣ гувоҳи аз ҷониби ҷомеа эътироф гардидани саҳми бузурги Шумо дар рушду таҳкими асосҳои соҳибихтиёрии давлати Беларус буда, дурустии сиёсати дурандешонаи дар ин роҳ интихобкардаатонро, ки пайгирона ба баланд бардоштани сатҳи некӯаҳволии шаҳрвандони кишвар ва обрӯву эътибори он дар арсаи байналмилалӣ нигаронда шудааст, таъкид менамояд”.

Дар идома афзудааст, ки барои муносибатҳои ояндаи ду кишвар умеди нек дошта, вазифаи асосиро дар давраи пешомад дар тақвият додани муносибатҳо мебинад ва ин ҳамкориҳоро ба нафъи мардуми ду кишвар хонд.

Дар охир Эмомалӣ Раҳмон ба Лукашенко таманниёти нек намуда сулҳу суботу пешравиро барояш хостааст: “Сидқан ба Шумо сиҳатмандии комил, бахту иқбол ва дар фаъолияти сермасъули давлатиатон комёбиҳои навин, ба мардуми бародари Беларус сулҳу субот ва пешравию шукуфоӣ орзумандам”.

Ҳамзамон Эмомалӣ Раҳмон бо Александр Лукашенко суҳбати телефонӣ низ анҷом дода, дар рафти сӯҳбат саҳми ӯро дар таҳкиму тавсеаи муносибатҳои дӯстӣ ва ҳамкориҳои Тоҷикистону Беларус ба таври хосса таъкид кардааст.

Лозим ба қайд аст, ки Александр Лукашенко ва Эмомалӣ Раҳмон дарозумртарин президентҳои давлатҳои пасошӯравӣ дониста мешаванд, ки якумӣ 26 сол ва дуюмӣ 28 сол боз дар курсии қудрат нишастаанд. Раванди интихоботҳои президентии ин ду кишвар агарчи аз ҳисоби нозирони Иттиҳоди Давлатҳои Мустақил хуб баҳогузорӣ мешаванд, аммо нозирони байналмиллалӣ ба интихоботҳои президентӣ ва парлумонии ин кишварҳо чандон баҳои мусбат надодаанд.

Александр Лукашенко чанде пеш пас аз таъйини ҳукумати нави кишвараш дар хусуси ҳифзи сулҳу субот суханронӣ намуда изҳор дошт, ки Белорус ягона кишвари пасошӯравӣ аст, ки мусибатро надид. Дар рафти суҳбаташ аз Эмомалӣ Раҳмон мисол овард, ки ӯ бо нерӯи низомӣ вориди Душанбе шуд, то тартиботро ҷорӣ кунад.

“Касе намедонад, ки чигуна дӯстам Раҳмон бо пулемёт вориди пойтахти Тоҷикистон шуд, то тартиботро ҷорӣ кунад. Чандин нафар он ҷо мурд. Чигуна бо ришдорҳо мубориза мебурданд”, – гуфта буд Лукашенко.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.

Эълони ҳукми зиндони сарбозоне, ки наваскаронро латтукӯб карданд

Чанд сарбозе, ки дар як навор навсакаронро бераҳмона латтукӯб мекарданд, ҳамаи онҳо равонаи зиндон шуданд.

Сафорат боздошти муҳоҷирон дар Митиноро шарҳ дод

Сафорати Тоҷикистон дар Маскав рӯзи 30-уми майи соли ҷорӣ пас аз боздошти беш аз 150 муҳоҷири корӣ, ки дар расонаҳои дохилӣ ва хориҷӣ бозтоби густарда ёфт, шарҳ дод.