28.9 C
Dushanbe

Ифтитоҳи корхонаи тавлиди паҳподи эронӣ дар Тоҷикистон

Зимни сафари кории Раиси Ситоди кулли нерӯҳои мусаллаҳи Эрон Муҳаммад Боқирӣ ба Тоҷикистон бо ҳузури вазири дифои кишвар Шералӣ Мирзо хатти тавлиди паҳподи эронии “Абобил-2” ифтитоҳ шуд.

Ба гузориши расонаҳои эронӣ, хатти корхонаи тавлиди паҳподи эронии “Абобил-2” ба хотири тақвияти ҳамкориҳои дуҷониби дифоӣ ва низомӣ дар Тоҷикистон ифтитоҳ шудааст.

Гуфта мешавад, дар ифтитоҳи аввалин корхонаи паҳподсозӣ дар Тоҷикистон Раиси Ситоди нерӯҳои мусаллаҳи Эрон Муҳаммад Боқирӣ ва вазири дифои Тоҷикистон сипаҳсолор (генерал-полковник) Шералӣ Мирзо ва ҷамъе аз мақомдорони низомии кишвар ширкат кардаанд.

Дар охири маросими ифтитоҳи корхонаи тавлиди ҳавопаймоҳои бесарнишин, калиди намодини он ва гувоҳиномаи поёни давраи омӯзишӣ ба фармондеҳ ва коркунони нерӯҳои ҳавоии Тоҷикистон дода шуд.

Боқирӣ бо ишора ба тақвияти ҳамкориҳои Душанбе ва Теҳрон гуфт, ки Эрон имрӯз дар ҷойгоҳе қарор дорад, ки бар иловаи таъмини ниёзҳои дохилӣ метавонад ба кишвари “ҳампаймон ва дӯст” барои афзоиши амният ва сулҳи пойдор, таҷҳизоти низомӣ содир кунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.