35.9 C
Dushanbe

Фиреб хӯрдани шаҳрвандон аз ҷониби кормандони консулгарии Тоҷикистон дар Новосибирск

Акс: mfa.tj

Як шаҳрванди Тоҷикистон аз шаҳри Новосибирски Русия аз Имумиддин Сатторов сафири Тоҷикистон дар Русия  дархости кумак кардааст. Дар ин бора сомонаи “Ахбор” иттилоъ медиҳад.

Ба гуфтаи шаҳрванд, ҳафтаи гузашта аз консулгарии Тоҷикистон дар Новосибирск барои 4 нафар (ду зан, ду ноболиғ) билети ҳавопаймо тариқи хатсайри чартерӣ бо маблағи 36 ҳазору 600 рублӣ, дар маҷмӯъ 146 ҳазору 400 рубл, ё қариб 2 ҳазор доллар харидорӣ кардаанд.

Акс: kprfnsk.ru

Аз консулгарӣ барояш гуфтаанд, рӯзи 25 сентябр ду соат пеш аз оғози парвоз ба фурудгоҳ ҳозир шаванд, мусофирон соати 3-и субҳи рӯзи муайяншуда ба фурудгоҳ рафтаанд, вале бо вуҷуди пештар аз вақт расидан ҳам аллакай дер кардаанд, ҳавопаймо рӯзи 24 соати 10 шаб парвоз кардааст. Вақте ба чанд ҷо муроҷиат карданд, ба додашон касе расидагӣ накардааст.

Шаҳрванди Тоҷикистон дар идома гуфтааст, ки вақте ба консулгарӣ муоҷиат кардем, гуфтанд, ба ширкати “Сомон Эйр” шикоят кунед. Ба гуфтаи ин шаҳрванд мисли онҳо чандин нафари дигар низ айни ҳодиса ба сарашон омадааст. Аз ин рӯ, онҳо аз сафири Тоҷикистон дар Русия, Имомуддин Сатторов дорхост доранд, ки ба қазияашон расидагӣ намояд.

Ин бори аввал нест, ки шаҳрвандони Тоҷикистон бо “тавися”-и намояндагони сафорати Тоҷикистон ба чунин ҳолат рӯ ба рӯ мешаванд. Чанде қабл нафареро боздошт карда буданд, ки худро корманди сафорати Тоҷикистон дар Русия муаррифӣ карда, билетҳои қалбакӣ ба шаҳрвандон мефурӯхт, вале баъдан маълум гардид, ки дар сафорат танҳо миёнарав будааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд.