-1.1 C
Dushanbe

Фоҷеа: Дар Кӯлоб 5 нафар зери хок монда ҳалок шуданд

Рӯзи 24-уми июл дар деҳаи Сангпари ҷамоати деҳоти Зиракии шаҳри Кӯлоб 5 нафар аз сокинони ин деҳа ҳангоми кандани теппа зери хок монда ҳамагӣ ҳалок шуданд.

Акс аз сомонаи Кумитаи ҳолатҳои фавқулоддаи Тоҷикистон

Бино ба гузориши Кумитаи ҳолатҳои фавқулодда ва мудофеаи граждании назди Ҳукумати Тоҷикистон, ин 5 нафар, ки як нафарашон марди болиғи 45-сола буда, боқи ҳама нобилиғ будаанд, мехостаанд хоки теппаро канда барои харгӯшоҳояшон хона бисозанд, ки нохост хоки кӯҳпора бар болояшон сарозер шудааст ва то наҷот додан ҳамагӣ ҳалок шудаанд.

Гуфта мешавад, сокинони маҳаллӣ дастаҷамъӣ панҷ ҷасадро аз зери хок берун оварданд ва ба беморхонаи ёрии таъҷилии шаҳри Кӯлоб интиқол доданд, вале мутаассифона, касе аз онҳо зинда намондааст.

“Танҳо яке марди болиғ буд, ки 45 сол дошт. Боқӣ ноболиғоне буданд, ки 12, 10, 9 ва 6 сол доштанд.”, омадааст дар хабари Кумита.

Ба иттилои манобеи Озодӣ, аз 5 нафари ҳалокшуда 3 нафарашон кӯдокони аз як хонавода будаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.