18.9 C
Dushanbe

Чаро С.Ятимов дар маҷлисҳои ахири Ҳукумат ҳузур надорад?

Дар давоми чор моҳи ахир ҳузури камранги раиси Кумитаи давлатии амнияти миллии Тоҷикистон дар маҷлисҳои Ҳукумат суолҳоеро ба миён овардааст.

Маҷлиси Ҳукумати Ҷумҳурии Тоҷикистон 26.04.2022

Бино ба иттилои Хадамоти матбуоти Президенти Тоҷистон, 26-уми апрели соли 2022 дар шаҳри Душанбе ҷаласаи навбатии Ҳукумати Тоҷикистон бо раҳбарии Эмомалӣ Раҳмон баргузор шуд.

Дар ин маҷлиси Ҳукумати зиёда аз даҳ қарору хулосаҳои Ҳукумати Тоҷикистон дар бораи ворид кардани тағйиру ба иловаҳо бо баъзе қонунҳои амалкунанда ва тағйири номҷойҳо мавриди баррасӣ қарор гирифтанд.

Инчунин Эмомалӣ Раҳмон бо интиқод аз аъзои ҳукуматаш гуфт, ки “шаҳрвандоне, ки тариқи Стипендияи байналмилалии Президенти Ҷумҳурии Тоҷикистон “Дурахшандагон” муассисаҳои олӣ ва илмии давлатҳои хориҷиро хатм кардаанд” ба ҷои кор таъмин кунанд.

Ҷолиб он ки мақомоти Тоҷикистон дар бораи вазъи саломатӣ, корношоямӣ ё сафарҳои раиси Кумитаи давлатии амнияти миллии Тоҷикистон ҳеч хабару гузорише нашр накардаанд, аммо дар ин маҷлиси Ҳукумат Саймумин Ятимов, раиси КДАМ ҳузур надошт.

Гуфта мешавад, аз 25-уми ноябри соли 2021, ки ба замони қатли Гулбиддин Зиёбеков дар ноҳияи Роштқалъа ва оғози бесуботиҳои ахир дар маркази маъмурии Вилояти Мухтори Кӯҳистон Бадахшон ин бори чандум аст, ки раиси КДАМ дар расми ҷаласаҳои Ҳукумат ҳозир намешавад ва ё ин ки агар ҳам ҳузур дошта бошад, ба мисли пеш аз вай намоиш дода намешавад.

Пеш аз ин дар шабакаҳои иҷтимоӣ ва бархе расонаҳо иттилое пайдо шуда буд, ки гӯё Эмомалӣ Раҳмон раиси КДАМ Саймумин Ятимовро ба хотири ноуҳдабароияш дар ҳалли масоили марзӣ ва барқарор кардани суботу оромӣ дар муҳлати аз пеш муайяншуда дар ВМКБ аз вазифа барканор кардааст. Аммо то ҳол расман барканории ӯ аз мансабаш тасдиқ нашудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кишварҳои аврупоӣ давлати Фаластинро ба расмият шинохтанд

Рӯзи чоршанбе, 22-уми майи соли ҷорӣ кишварҳои Ирландия, Испания ва Норвегия аз тасмими худ дар бораи ба расмият шинохтани давлати Фаластин хабар доданд.

Сафари Раҳмон ба Теҳрон

Субҳи имрӯз Президенти Тоҷикистон дар раъси як ҳайати расмӣ вориди Теҳрон, пойтахти Эрон шуд.

Сомон Маҳмадбеков барандаи медали биринҷӣ гашт

Сомон Маҳмадбеков, варзишкори шинохтаи тоҷик медали қаҳрамонии ҷаҳонро ба Тоҷикистон овард.

Чин дар истихроҷи ангишт ва газ ба Тоҷикистон кумак мекунад

Мақомоти Тоҷикистон бо мақомоти Чин рӯзи 21-уми майи соли ҷорӣ дар робита ба сармуоягузории ин кишвар дар истихроҷи ангишт ва газ созишнома ба имзо расониданд.