Ғалабаи дастаи “Истиқлол”-и Тоҷикистон бар дастаи “Ал-Ҳилол”-и Арабистони Саудӣ

Қаҳрамони Тоҷикистон “Истиқлол” -и Душанбе дар даври чоруми марҳилаи гурӯҳии Лигаи чемпионҳои AFC-2021 дар гурӯҳи «А» дастаи “Ал-Ҳилол”-и Арабистони Саудиро бо ҳисоби 4:1 шикаст дод.

Дар аввали бозӣ "Истиқлол" 0:1 бохта буд, аммо дар давоми бозӣ бо задани 4 гол тавонист ғалабаба ба даст овард. Дубли Манучеҳр Ҷалилов ва Манучеҳр Сафаров ба дастаи “Истиқлол”-и Душанбе се хол оварданд. Баъди ин пирӯзӣ, қаҳрамони Тоҷикистон бо ҳафт имтиёз дар гурӯҳи "А" ба ҷои аввал баромад.

Пас аз Истиқлол дар гурӯҳи "А" бо ҳафт имтиёз дастаи “Ал-Ҳилол” ҷойгир аст.

Дар бозии навбатӣ, яъне панҷум қаҳрамони Тоҷикистон дар марҳилаи гурӯҳии Лигаи чемпионҳои AFC-2021, рӯзи сешанбеи 27 апрел бо клуби "Шабаб Ал-Аҳли Дубай" -и АМА бозӣ мекунад. Ин бозӣ соати 23:55 ба вақти Душанбе оғоз мешавад.

Ёдовар мешавем, ки дастаи “Ал-Ҳилол”-и Арабистони Саудӣ қаҳрамони Лигаи чемпионҳои AFC-2019 мебошад.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.